Pizza Maru (荃新天地)

營業中

休息中

因工作關係要去荃灣食晚飯，朋友話成日想試呢一間不過試黎試去都試唔到，因為實在太多人排隊，見我可以食6pm就決定食呢一間。諗住打電話去訂位不過原來只限Walk-in，佢決定5:45pm去等位，終於成功試到。兩個人叫咗兩樣野，分別係蜂蜜牛油秘製炸雞同埋太陽番茄芝加哥Pizza，兩樣都好食。蜂蜜牛油秘製炸雞係乾身嘅，無乜蜂蜜味，不過都好食。太陽番茄芝加哥Pizza係芝心批，超多芝士勁拉絲，個芝加哥Pizza餅底好好食，好似食麵包咁樣，如果鍾意食芝士嘅朋友一定要試下。整體感覺唔錯，唯獨係排隊排得太誇張，如果排少少都值得等一陣嘅。