影片
更多
2016-08-07
5037 瀏覽
咁岩要去深水埗電腦城，飯前小食就去試下有百多年歷史既「公和」，據說「公和」出名自家豆製產品，用上加拿大非基因改造豆，確保質素。店子的外觀充滿著老店的感覺，六點幾人流真係好多，阿姐頻頻煎豆腐賣豆腐，店子都有不少豆類製品賣，好似腐皮、嚮鈴、枝竹，當然不少得豆腐豆漿豆卜等，因為人太多只簡略拍一下門面好了。本身想堂座又滿座，好彩原來仲有得上樓坐！.上樓的地方放了三四張檯，會有店員上黎同客人落單，客人通常都係快快食完就離座。.餐牌上的豆製品有豆漿、豆腐花、煎釀豆卜、黃金魚腐和煎釀豆腐 （三款煎釀都想試的可以來一客三拼都係$14）。.另外仲有腸粉、燒賣魚蛋、炒麵炒米，牛肉球等，醬汁黃糖都放晒係檯自己落的。一場黎到梗係要掃餐牌，豆製產品通通都來一客吧！.豆腐花 $8 （熱/凍）食豆腐花感覺熱食豆味會更重，不過大熱天時都係黎返碗凍既降降溫。黃糖自己落，通常我落少少就夠，怕佢蓋晒豆味。食落真係夠滑溜，豆味頗濃∼∼好快食晒成碗.豆漿 $5 （熱/凍）豆漿入口順滑無渣，豆味頗濃，就係甜度稍高。.煎釀豆卜 $10/5件豆腐卜炸得夠乾身不油，咬落酥香可口，很脆身，後來仲加多一碟，一碟真係唔夠食！.煎釀豆腐 $1
咁岩要去深水埗電腦城，飯前小食就去試下有百多年歷史既「公和」，據說「公和」出名自家豆製產品，用上加拿大非基因改造豆，確保質素。店子的外觀充滿著老店的感覺，六點幾人流真係好多，阿姐頻頻煎豆腐賣豆腐，店子都有不少豆類製品賣，好似腐皮、嚮鈴、枝竹，當然不少得豆腐豆漿豆卜等，因為人太多只簡略拍一下門面好了。本身想堂座又滿座，好彩原來仲有得上樓坐！
.
上樓的地方放了三四張檯，會有店員上黎同客人落單，客人通常都係快快食完就離座。.
餐牌上的豆製品有豆漿、豆腐花、煎釀豆卜、黃金魚腐和煎釀豆腐 （三款煎釀都想試的可以來一客三拼都係$14）。.
另外仲有腸粉、燒賣魚蛋、炒麵炒米，牛肉球等，醬汁黃糖都放晒係檯自己落的。一場黎到梗係要掃餐牌，豆製產品通通都來一客吧！.
豆腐花
$8
196 瀏覽
1 讚好
0 留言
豆腐花 $8 （熱/凍）食豆腐花感覺熱食豆味會更重，不過大熱天時都係黎返碗凍既降降溫。黃糖自己落，通常我落少少就夠，怕佢蓋晒豆味。食落真係夠滑溜，豆味頗濃∼∼好快食晒成碗
.
豆漿
$5
176 瀏覽
0 讚好
0 留言
豆漿入口順滑無渣，豆味頗濃，就係甜度稍高。
.
煎釀豆卜
$10
143 瀏覽
0 讚好
0 留言
豆腐卜炸得夠乾身不油，咬落酥香可口，很脆身，後來仲加多一碟，一碟真係唔夠食！
.
煎釀豆腐
$10
177 瀏覽
0 讚好
0 留言
豆腐上釀了點鯪魚肉，魚肉食到彈牙口感，而且豆腐唔會一夾就散，豆味濃郁，蘸些豉油用來送飯都好好食！
.
黃金魚腐
$10
161 瀏覽
0 讚好
0 留言
圓滾滾煎至金黃色的魚腐，內裡的魚腐夠滑，建議可蘸些泰式辣醬食，會有食緊泰菜炸物的感覺。
.
叫了這樣多款兩個人食，賣單$58就成為我們的晚餐，簡單好食又滿足！去到深水埗真係要試下。
張貼
