影片
更多
2022-02-12
6084 瀏覽
一間餐廳喺我心目中嘅成功之道，唔係食物好就係服務態度好。就算廚師整得幾好食，但員工態度差的話都唔想再去幫襯，所以澳牛一直係我心目中都係一個奇蹟🤪。有乜理由人們口中一間員工服務差嘅餐廳，會令人愛上，而且一年365日都要排隊。我今次就係第一次去食澳牛，食完之後真係佩服佢嘅。 澳牛當然唔係賣牛奶架啦~澳牛在1950年創立，當時嘅老闆坐船到澳洲，但架船就壞咗。後來返到香港，喺佐敦開茶檔買“本地”牛奶，所以先叫澳洲牛奶公司。而澳牛賣嘅鮮奶只係維記樽仔奶。如果你為咗飲奶而去澳牛的話~咁就... 😂環境食物呢D野都唔洗多講，去到嗰度見到有條長龍的話，已經係常事。大約等10分鐘就會入到去。入到去要聽佢話，坐邊就坐邊。四人搭枱嘅~坐！通風口位~坐！同佢嘈的話...食物的話，早上就食早餐，下午就食快餐/常餐，如果你喺中午時段叫早餐的話...。澳牛的餐叫光速餐，當然叫野食都要光速。坐都未坐定，白衣店員已經問你食乜，你仲諗的話…之前我喺網上聽過員工平日壓力同工作量都好大😲。 蛋治烘底$21 當日唔想食咁多野，就叫咗個蛋治。上菜速度九秒九九都唔洗多提。雖然呢個叫蛋治係較冷門，但兩分鐘都唔洗就上咗枱。朋友叫早餐
澳牛當然唔係賣牛奶架啦~澳牛在1950年創立，當時嘅老闆坐船到澳洲，但架船就壞咗。後來返到香港，喺佐敦開茶檔買“本地”牛奶，所以先叫澳洲牛奶公司。而澳牛賣嘅鮮奶只係維記樽仔奶。如果你為咗飲奶而去澳牛的話~咁就... 😂
環境食物呢D野都唔洗多講，去到嗰度見到有條長龍的話，已經係常事。大約等10分鐘就會入到去。入到去要聽佢話，坐邊就坐邊。四人搭枱嘅~坐！通風口位~坐！同佢嘈的話...
食物的話，早上就食早餐，下午就食快餐/常餐，如果你喺中午時段叫早餐的話...。澳牛的餐叫光速餐，當然叫野食都要光速。坐都未坐定，白衣店員已經問你食乜，你仲諗的話…之前我喺網上聽過員工平日壓力同工作量都好大😲。
蛋治烘底$21
蛋治
$20
146 瀏覽
0 讚好
0 留言
當日唔想食咁多野，就叫咗個蛋治。上菜速度九秒九九都唔洗多提。雖然呢個叫蛋治係較冷門，但兩分鐘都唔洗就上咗枱。朋友叫早餐腿通，唔洗半分鐘就上咗枱😆。
炒蛋都有返一定嘅厚度，傳說中嘅炒蛋，果然冇辜負我嘅期望！一入口嬌嫩無比，軟滑油潤，無任何粗粒。當然，佢唔係Gordon Ramsay嗰隻漿糊炒蛋，但又唔係平常港式炒蛋咁。佢半熟留汁/有清晰嘅紋理，食完之後我就會心微笑。人做炒蛋，你做炒蛋，就真係好食過人。除咗佩服之外，都冇野好講👏👏。
麵包切得非常之厚，烘得均勻。佢比平常麵包鬆軟，而又有陣麵粉香，唔係平時嘅嘉x麵包，我就好鐘意呢隻🤩。
蛋白燉鮮蛋$30(熱)
蛋白燉鮮奶
$30
120 瀏覽
0 讚好
0 留言
淨係食蛋治好似有D悶，所以就叫埋甜品，價錢就有小貴，但就好大碗，好飽肚。質感偏向水性，有少許溶爛，入口品嚐到濃厚而清純嘅奶香，甜度非常之配合。入口即化而充滿滿足感，非常之推介🥰。
我就用咗十五分鐘已經食完所有嘢，其中白衣員工會360度望實你食完未。不過老實講，真係第一次見茶餐廳有咁多夥記。食完之後，店員會即時寫張單比你，但佢哋係知道你食過D咩架喎。最後就要快速交枱埋單，而埋單工作，當然由老闆娘去擔當😆。
早餐
$38
129 瀏覽
0 讚好
0 留言
張貼
