影片
更多
2024-08-25
1190 瀏覽
呢間野真係超級伏！！！絕對唔會再食第二次如果唔想睇咁長嘅，呢度係簡略版：環境差+職員態度差+性價比超低+出餐超慢+隱藏嘅加一服務費🙄🙄1. 環境好差啲食完嘅枱完全冇人執，隔離枱食完嘅生蠔殼隔咗差唔多一個鐘都冇人執，加上裏面唔算好涼，會惹蚊蟲2.職員態度好差我哋個爐一直都冇人嚟點(ps 啲野食已經到咗)咁我哋就舉手嗌職員幫手啦，點知店裏面個職員當我哋透明咁，三個人係咁揮手都好似睇唔到咁。我哋心諗佢可能見唔到我哋卦，於是出聲嗌佢喇，點知佢望咗我哋一眼就走咗？？？最後聽到佢好似講普通話，用普通話講「美女！」佢先抬頭望我哋，勁無奈lor🙄利申自認已經好有禮貌咁用「唔該」，唔通真係要用普通話先至肯serve我哋？？？仲要個經理對我哋好似愛理不理咁，成日望咗我哋一眼就走，又係間鋪閒逛，真心如果幫下個職員手可能佢都冇咁「忙」3.野食性價比超低啲串燒表面上係$13.8，但其實係一串嘅價錢。咁都算喇，話曬呢度係香港吖嘛，但佢規定要一次過落五串，結果要六十幾蚊先至嗌到。咁到算喇，仲要D野串燒超乾，又好辣好咸兼好少(明明備注咗係少辣，每串得三塊指甲咁大嘅肉片)。 4.出餐速度 好 好 好 慢如上文，我哋三個
如果唔想睇咁長嘅，呢度係簡略版：
環境差+職員態度差+性價比超低+出餐超慢+隱藏嘅加一服務費🙄🙄
1. 環境好差
啲食完嘅枱完全冇人執，隔離枱食完嘅生蠔殼隔咗差唔多一個鐘都冇人執，加上裏面唔算好涼，會惹蚊蟲
2.職員態度好差
我哋個爐一直都冇人嚟點(ps 啲野食已經到咗)
咁我哋就舉手嗌職員幫手啦，點知店裏面個職員當我哋透明咁，三個人係咁揮手都好似睇唔到咁。我哋心諗佢可能見唔到我哋卦，於是出聲嗌佢喇，點知佢望咗我哋一眼就走咗？？？
最後聽到佢好似講普通話，用普通話講「美女！」佢先抬頭望我哋，勁無奈lor🙄利申自認已經好有禮貌咁用「唔該」，唔通真係要用普通話先至肯serve我哋？？？
仲要個經理對我哋好似愛理不理咁，成日望咗我哋一眼就走，又係間鋪閒逛，真心如果幫下個職員手可能佢都冇咁「忙」
3.野食性價比超低
啲串燒表面上係$13.8，但其實係一串嘅價錢。咁都算喇，話曬呢度係香港吖嘛，但佢規定要一次過落五串，結果要六十幾蚊先至嗌到。咁到算喇，仲要D野串燒超乾，又好辣好咸兼好少(明明備注咗係少辣，每串得三塊指甲咁大嘅肉片)。
4.出餐速度 好 好 好 慢
如上文，我哋三個比價錢嚇親，淨係嗌咗兩份串燒(總共十支)同一份炒麵。點知呢度咁少嘢我哋都等咗成九個字，仲要個職員係勁休閒咁慢慢行過嚟，拎住大托盤慢慢咁執幾支畀我哋，我真係服咗😐兩點幾入去食，食完已經差唔多三點
最嬲係咁樣嘅服務竟然仲要收加一？？早知我哋行遠少少去前面打邊爐好過💢💢聽講呢間野好似仲係大陸好出名，只可惜佢只係搬咗個菜，但冇搬到個服務態度同價錢👎🏻
真係佔唔到人生第一次寫食評就係因為間嘢太差💩如果唔係最低係一星，我連一星都唔想畀佢👎🏻
張貼