圓貝 (MOKO新世紀廣場)

營業中

休息中

喺門口俾佢嘅餐牌吸引咗好耐，見到好多嘢飲都五顏六色，又健康又低卡路里，好多材料都係自己整，為免眼花凌亂收窄範圍揀選有咖啡嘅嚟飲，最後揀咗大杯熱鴛鴦，點知一飲覺得唔對路，再飲多一啖完全覺得懷疑人生，完全唔係鴛鴦嘅味道，冇咖啡味，亦都冇茶味，只有羅漢果夾龜苓膏嘅味道，真係搞唔掂，佢哋知唔知咩叫鴛鴦㗎，最後選擇放棄成杯揼咗佢，就算幾低卡路里都唔想浪費quota，咁嘅價錢比杯咁嘅嘢我，我寧願去涼茶舖。唯一只可以讚賞係員工好有禮貌，拎嘢飲嘅時候都會叫我哋搞咗先再飲。