SUN HARU (威達商業大廈)

營業中

休息中

去首爾旅行，明洞絕對係行程之一，而行街shopping後，炸雞係我嘅必然選擇。但當旅行返到嚟香港後，我嘅戀韓思潮未退，今日喺旺角一於copy and paste，先行街再去SUN HARU嘆炸雞，韓國之旅part 2由味蕾展開。亞之媽炸雞半隻韓式炸雞嘅外層鋪滿牛油蜜糖醬，一啖咬落去肉汁爆出，外皮夠薄夠脆，而牛油蜜糖醬非常香甜，減低炸雞嘅油膩感。邪惡但滿足！韓式蛋捲芝士味蛋卷嘅外層厚實，咬開就會食到內層拉絲嘅芝士。看似簡單，但蛋香十足，味道濃郁。辣泡菜腩肉湯羹飯食韓國嘢又點會冇泡菜嘅出現呢？夾一舊泡菜再鋪上一層腩肉，泡菜減輕腩肉嘅油脂，酸酸辣辣，同樣醒胃。再食一啖湯飯，飽肚感十足。