Cafe Paradise (砵蘭街) (已結業)

同男友食飯間中都要浪漫下😊。去左哩間Cafe Paradise地方唔算大，但非常舒適。裝飾別緻，適合情侶或者三五知己小聚。菜單都幾多款式選擇，單喺All Day Breakfast都有四個款式，其中一款專為素食者而設。我就揀左哩個Paradise Full（另加左$5將多士轉窩夫）。一上枱真係嚇左一跳，All Day Breakfast 個份量大到不得之了。雖然唔喺什麼什麼高級食材，但就食得出用料新鮮，同埋烹調者嘅用心。窩夫裡面有吉士醬，唔會好甜，外脆內軟。漢堡排切開後仲見到粉粉地色，大約煎到七八成熟，牛味好出，好食👍🏽。煙肉不咸不膩，薄得來依然有口感！炒蛋就非常滑溜。煙三文魚好鮮好彈牙😋。另外我哋叫左個set dinner，百幾蚊就有齊哂沙律、餐湯、主菜，甜品同飲品。聽聞餐湯每日都唔一樣，今日哩款白湯，好香菇味，質感好結，口感似食緊粥，好飲👍🏼。沙律就好新鮮，用嘅喺芝麻醬，食完之後胃口大開，可以迎接個主菜喇！揀嘅哩款喺三文魚大紅蝦黑松露天使麵，三文魚同大蝦一樣咁新鮮，肉質爽口彈牙。大蝦去左殼，原隻上碟，望落都有四五隻，非常足料。天使麵就軟硬適中，配埋個黑松露醬汁真喺無得彈。甜品喺芒果