影片
更多
2020-11-27
1564 瀏覽
以日文大聲講歡迎光臨多謝來「假」裝對客人有禮，「假」裝有善待客人。但其實由行入嚟嗰一刻到離開嗰一秒，都完全感受到老闆、店內唯一的師傅的不友善，不知所謂。「那位師傅」連續出錯兩次，沒有叫的壽司他弄了，叫了的壽司就漏了，錯了的一手拿起取回就算，一句唔好意思都冇，真是感受到面嗰浸同心嗰句佢都係覺得「我大哂嘅，錯又點呀」！在他身旁的老闆全程以行動來支持他的「待客之道」。身為老闆一言不發，任由職員「點錯」客人都要受，亦親身示範對客人的「活剝生吞」。沒錯，我真的是「生呑」了一件價值一百二十元的沙甸魚卷。客人才剛步入，茶都未飲，放好袋就去厠所，怎會料到人不在，一百二十元一件的刺身就這樣被放在枱上「食塵」，這樣快就上到，是整定的嗎？！坐sushi bar食的竟然不是看著師傅親手整的刺身？！這件「完全唔值」的剌身是打電話訂位時侍應説要留的，9秒9就「整好」，看準客人不在位，一啖綠茶都未飲，單都未落，完全未叫其他嘢食的情況下就同「完全唔熱嘅燉蛋」一齊上！如果那沒質素的燉蛋是前菜，客人連前菜都未及開動就上刺身「係咩態度」？？「係明搶！！」係以小人之心「驚」你改變主意話唔要。「嗰舊嘢」佢哋係有心「局」個客「求
「那位師傅」連續出錯兩次，沒有叫的壽司他弄了，叫了的壽司就漏了，錯了的一手拿起取回就算，一句唔好意思都冇，真是感受到面嗰浸同心嗰句佢都係覺得「我大哂嘅，錯又點呀」！
在他身旁的老闆全程以行動來支持他的「待客之道」。身為老闆一言不發，任由職員「點錯」客人都要受，亦親身示範對客人的「活剝生吞」。沒錯，我真的是「生呑」了一件價值一百二十元的沙甸魚卷。
客人才剛步入，茶都未飲，放好袋就去厠所，怎會料到人不在，一百二十元一件的刺身就這樣被放在枱上「食塵」，這樣快就上到，是整定的嗎？！坐sushi bar食的竟然不是看著師傅親手整的刺身？！這件「完全唔值」的剌身是打電話訂位時侍應説要留的，9秒9就「整好」，看準客人不在位，一啖綠茶都未飲，單都未落，完全未叫其他嘢食的情況下就同「完全唔熱嘅燉蛋」一齊上！如果那沒質素的燉蛋是前菜，客人連前菜都未及開動就上刺身「係咩態度」？？
「係明搶！！」
係以小人之心「驚」你改變主意話唔要。「嗰舊嘢」佢哋係有心「局」個客「求其」生吞咗佢，「生劏個客」嘅 黑 店 所為亦由嗰一刻開始「陸續有來」。
全程甩漏的女侍應在落單時態度又「趕」又「求其」，「是日精選」的壽司沒有白字黑紙列明，就必然是要勞駕侍應逐一告訴客人，「急口令」般唸出的態度，是有心令客人受罪的。
每件壽司的「魚」也是一樣味的，是一樣「沒有味」！連美味非凡的「深海池魚」也可以「完全冇鮮味」，魚生嘅質素有幾低同雪咗幾耐先可以「唔新鮮到咁」？！
幫襯咗冇八年都七年，你唔當我熟客，但做人，就算對一個朝見口晚見面的人，都唔會做得出「當人冇到」，對一件魚生都會「掛住」，對一間舖頭都真係會「食出感情」。因為人係人，係有血性有感受㗎，你「掛羊頭買狗肉」嚟「生劏個客」，唔覺得你可恥、唔揭發你、唔嬲先「唔係人」！因為人唔係咁做㗎！做生意嘅都真係唔係個個諗住純呃錢㗎香港本嚟！！
再見喇，有份毀咗「香港」嘅鮨辰！
張貼