僕之拉麵 (已結業)

嚟到油麻地覓食，去左新寶戲院旁邊叫嘅「僕之拉麵」試試，我叫咗佢哋嘅叉燒拉麵濃湯原味，加咗蝦油、木耳同櫻花蝦。叉燒拉麵嘅湯底好濃郁，豚骨湯底係嚟自日本嘅，味道好正宗，香濃滑順，亦唔會太鹹，飲完都唔口渴。湯底裡面加咗蝦油，增添咗鮮甜嘅味道，唔會太濃烈亦唔會太淡，好平衡。叉燒方面，肉質好滑，但係唔會太腍口，肥瘦適中，同湯底好夾，令人食得幾舒服。我仲加咗木耳同埋櫻花蝦，木耳嘅口感好爽，令整碗拉麵加多咗層次，櫻花蝦嘅味道唔會太濃烈，反而增添咗微微嘅鮮味。呢度裝修好有日式小店風，有不少擺設陳列係走廊，座位對比好多拉麵店都算寬敞，環境舒服，令人感覺自在☺️