影片
更多
2008-11-20
12 瀏覽
天氣都涼咗唔少，今年冬天第一次去打邊爐梗係揀呢間，食過無數次，小菜、酒席、打邊爐都試勻晒，最正始終係打邊爐，仲有佢嗰甜品椰皇燉蛋白。噚晚去到唔知係唔係真係因為凍呢，成個門口都逼滿人，佢平日九點後都會有特價火鍋，而且好多配料都係十零蚊碟，所以不嬲都係多人，不過噚晚就覺得特別多人，經濟唔好但係佢平所以生意就逆市多咗？無計喇，一心打邊爐惟有等吓，未試過要等足四十五分鐘，終於有得食喇！我哋最鍾意佢由得啲客自己「混醬」，有沙嗲、麻辣、炸蒜、生蒜、紅椒、蔥花、連腐乳都有，不過唔知點解唔擺埋豉油！混完後我哋就等食嘞： 脆皮燒鵝皇：實在太肚餓啦，要咗一個例牌頂住肚先，估唔到都幾好味喎！我哋分到個下庄，大大嚿肉汁都幾豐腴，皮亦燒得好脆好香，有驚喜！ 澳門豬骨鍋：因為想試吓同澳門食過嘅差幾遠所以就叫嘞！果然同澳門完全唔同，雖然都係有蘿蔔、粟米同豬骨，但係材料就明顯少好多，不過佢只係賣廿蚊，而且啲豬骨真係幾好味，所以我都覺得抵嘅！佢仲有幾個十蚊湯底好似好熱門嘅皮蛋芫茜都係唔錯嘅選擇！ 潮州炸魚皮：佢啲魚片夠脆又夠大塊，未淥我哋都會就咁食，當然淥過半稔仲正啦！ 大良魚腐：呢個用嚟索湯幾好味，不過要唔好咁早落，
天氣都涼咗唔少，今年冬天第一次去打邊爐梗係揀呢間，食過無數次，小菜、酒席、打邊爐都試勻晒，最正始終係打邊爐，仲有佢嗰甜品椰皇燉蛋白。噚晚去到唔知係唔係真係因為凍呢，成個門口都逼滿人，佢平日九點後都會有特價火鍋，而且好多配料都係十零蚊碟，所以不嬲都係多人，不過噚晚就覺得特別多人，經濟唔好但係佢平所以生意就逆市多咗？無計喇，一心打邊爐惟有等吓，未試過要等足四十五分鐘，終於有得食喇！我哋最鍾意佢由得啲客自己「混醬」，有沙嗲、麻辣、炸蒜、生蒜、紅椒、蔥花、連腐乳都有，不過唔知點解唔擺埋豉油！混完後我哋就等食嘞：
脆皮燒鵝皇：實在太肚餓啦，要咗一個例牌頂住肚先，估唔到都幾好味喎！我哋分到個下庄，大大嚿肉汁都幾豐腴，皮亦燒得好脆好香，有驚喜！
澳門豬骨鍋：因為想試吓同澳門食過嘅差幾遠所以就叫嘞！果然同澳門完全唔同，雖然都係有蘿蔔、粟米同豬骨，但係材料就明顯少好多，不過佢只係賣廿蚊，而且啲豬骨真係幾好味，所以我都覺得抵嘅！佢仲有幾個十蚊湯底好似好熱門嘅皮蛋芫茜都係唔錯嘅選擇！
潮州炸魚皮：佢啲魚片夠脆又夠大塊，未淥我哋都會就咁食，當然淥過半稔仲正啦！
大良魚腐：呢個用嚟索湯幾好味，不過要唔好咁早落，個鍋要淥嘢食淥都咁上下先有味嘅！
貢丸：好食 肉質彈，入面嘅纖維好粗，食落好有質感！
蝦丸拼墨丸：都整得幾彈，不過蝦丸味道唔係咁得，墨丸味道就一般！
金錢牛展：之前未食過牛展打邊爐所以試吓，冇乜牛肉味兼好散，下次都係叫番肥牛或者滑牛！
日本空運生蠔：上枱時入晒雪，真係急凍空運？不過食落唔錯，唔腥仲幾鮮， 不過就好細隻！
西洋菜：新鮮爽脆冇根，正！
酸梅湯：唔想飲汽水嘅另一選擇，酸酸哋亦夠濃都唔錯丫！
好多人講呢度啲服務唔係咁得我哋都係咁話，因為我哋攞飛等位問要等幾多張枱時，個知客已經冇我哋咁好氣咁答：十幾張囉！今日好多人爆晒架！食緊時想要多一碟豉油叫咗應咗都係唔會攞比你，要叫多次，不過佢啲嘢食真係得嘅，但係只限於打邊爐！佢嘅小菜味道都唔錯嘅，點解唔食小菜同埋大時大節唔嚟食一圍嗰啲酒席？因為要侍應招呼嘅程度比打邊爐多，所以有時都會幾勞氣！都係齋嚟打邊爐穩陣！
太飽嘞，今次食唔到佢嗰好正又好抵嘅椰皇燉蛋白添！
張貼
