廣隆行

營業中

休息中

今年已經係第3次食蟹，其實之前已經幫襯過呢間，又試過第2間，最後都係揀返呢度，因為上年同今年都有幫襯，D膏真係好爆（可能係我好彩），晚上放工接埋女朋友到上環揀蟹，去之前本來諗住每人食2隻算，但去到之後，見到D蟹咁生猛又驚返到屋企唔夠喉，o係魔鬼既引誘下最後都係每人揀左3隻賣單，照舊都係乜都送晒（紫Ｘ葉＆剪刀＆醋＆薑＆最後仲有好正要黎煲薑荼既黑糖），我就係鐘意佢咁方便，同埋我好唔鐘意飲薑荼，係呢間既黑糖煲出黎既我先接受到。返到屋企即刻整黎食啦，水準仍然頂瓜瓜，我諗今年食埋呢次都係停一停，雖然好好味，但真係怕高膽固醇，不過對於我呢個大閘蟹愛好者黎講，我諗都都必頂得到，哈哈！