老趙越南餐廳(大頭蝦專門店) (已結業)

如果食越南生滾牛肉河，依間係我 Top 5 list 其中一間，另外仲有係旺角先達商場附近及銅鑼灣某越南餐廳 ~ 依度既大頭蝦必食﹗阿姐服務態度非常殷勤，笑容滿面，食得都開心啲 ~生滾牛肉河，牛肉片半生熟、牛味濃，好正；牛肉湯完全滲透入晒舊蘿蔔度，炆得夠腍，超好味；我最愛幼河粉，又棉又滑又嚥嚥哽哽，吸收晒啲肉汁；真材實料用牛肉、牛骨餚成既湯底，雖然今次唔知點解比平時咸左啲，但依然好味。加埋我最愛既青檸同大量指天椒，一滴都無剩，超滿足﹗黑椒粉絲大頭蝦煲，手掌咁大隻，今次唔係咁好采，隻蝦無膏既，失望。但肉質彈牙結實，味道鮮，黑椒又香又辣，非常好。唯一比較差係粉絲處理得好差，幾乎每次食都碎晒同埋過腍，要改善吓 ~