和歌山 (樂富廣場)

營業中

休息中

今日突然之間好想食蕎麥麵，就搵下附近有冇地方有得食，然後就見到樂富廣場有呢一間日式餐廳有，「Wakayama 和歌山」裝修都幾簡潔舒服，座位都寬敞舒適，睇咗餐牌叫咗野菜拼海鮮天婦羅抹茶蕎麥麵定食+粉紅葡萄柚玫瑰茶；朋友就叫咗鮮果焦糖雪糕多士+鮮萃白桃烏龍。天婦羅都有六款：蝦、魚柳、紫蘇葉、茄子、秋葵、南瓜，欣賞佢嘅天婦羅好脆，食完唔會覺得好油，粉紅葡萄柚玫瑰茶甜甜地，玫瑰味都好香。朋友就覺得七十幾蚊一個下午茶有少少貴，不過佢就滿意叫咗微甜鮮萃白桃烏龍，真係淡淡嘅甜味，唔會叫咗少甜都仲係覺得好甜。總括而言，我會再約朋友去食。