發記甜品 (已結業)

好多年前甜品鋪唔似宜家開到好似便利店咁，周圍都係，想食甜品，發記就係最佳選擇，排隊排成個鐘先有位。佢既招牌芒果、榴連pancake，楊枝甘露真係超好食，佢仲有啲小食，老水雞翼亦都係必點。但自從開左分店之後，試過分店既甜品，質素真係大不如前...相隔多年，咁岩去左深井陳記食飯，家人決定去發記食埋個甜品。假期既夜晚9點完全唔洗排隊，坐位都好闊落下。叫左熱蛋白燉鮮奶、芝麻糊蛋白燉鮮奶、楊枝甘露、朱古力梳扶里。全部都細細份咁，個蛋白燉鮮奶完全唔熱，似一早整定擺左落雪櫃再返熱，楊枝甘露有苦澀味...最正常係個梳扶里，睇落都幾靚😋😋食完真係有啲失望...