有運燒味飯店 (已搬遷) 新店位置

今晚屋企無餸喎家姐叫我斬料斬大嚿叉燒因為見客去咗鰂魚涌平時見到呢間食店晏晝好多人排隊咁橫掂行過不如響度買丫買咗一隻油雞$180 真係大件夾抵食肉質好滑都好鮮味不過雞皮真係好肥玫瑰豉油味都好香我覺得超值抵食然後我話要半斤叉燒佢話$80 是但啦食味遠超賣相眼見以為肉質會乾原來唔係喎好入味 好鬆軟 蜜味焦香味都剛剛好大大盒 抵食我仲買咗燒腩我話要一條骨又係滿滿一大盒好似$120燒腩就真係唔夠太X/X興咁正皮唔脆好硬肉都唔係一層層嘅靚腩肉不過勝在唔咸咁大盒 呢個價錢都好抵食嘅