尚點 小籠包.上海麵館 (置富第一城) (已結業)

Team Gathering同上司加三位同事諗住食餐好 同事提意近近地係第一城商場 選擇都多有日本野 台灣 打邊爐 飲茶 老細就話想上海野咁即係已選左唯一上海野囉 不過大家都無所謂 因為由佢請客 一行人一點鐘去到 等一陣好快有位 上次係深水埗分店食過都覺得好味 記得上次店員已預告十月有新menu話係蟹粉系列呀燻蛋 流心有蛋香不過煙燻味唔夠 味道較淡 黃金蟹粉小籠包 必叫 湯汁內餡除餃肉還多加蟹粉 香味撲鼻 點醋同食能提升蟹粉嘅鮮味 花雕醉雞 皮薄肉滑 酒味濃 但唔夠調味 雞肉未吸收到糟滷 酒色較濁 尚點炒蟹粉 配鍋巴 鍋巴脆仆仆 多多蟹粉同食好滋味 蟹皇甘香帶少許蟹肉 份量亦足 少許腥但都鮮 流金炒年糕 送上時熱辣辣 味道煙韌 有嚼口 橙黃色蟹膏鋪滿年糕 夠晒惹味 流心蟹粉皇 覺得幾特別 用左烘麵包做底 中間係半生熟荷包蛋再係面頭加上大量蟹粉 一份兩個人分享試下也可 好多膏 超濃蟹味 金黃紫薯湯水 好淡唔夠熱 暖暖地 但薑味十足椰汁糕 超QQ又椰香 質地滑 正喎