金萊原盅蒸飯

營業中

休息中

尋日同男朋友去左旺角熟食中心食飯，今次又揀左食金萊，金萊有一些特價粉麵飯，我今次揀左食星洲炒米配奶茶，因此我想飲埋湯，所以男朋友就幫我加左個炖湯，今次個炖湯係花旗蔘雞湯。不過今次食金萊，我就有少少失望啦，因為煮唔到平時一貫的水準。一上碟，明顯啲色比平時淺色，有一半係比較淡味，但係有另一半則比較鹹，唔知係咪兜得比較唔匀循啦，而且今次的火喉明顯欠奉，比起平時的鑊氣爭左少少，唔知係咪廚房轉左人。奶茶就無平時咁好飲，因為今次的茶味無咁香濃，無左茶香，唔通今日平時店面個個茶水叔叔無返，因為係男友買，所以我唔知係咪。炖湯方面反而有驚喜，第一，蔘味都幾重，二來都飲到雞的鮮味，都真係幾鮮甜，而且保溫做得好好，我夠熱，我真情比佢燙到嘴，所以炖湯真係算高質。