齊柏林熱狗店 (鱟地坊) (已結業)

本身由中學開始已經有食開，一直都覺得唔錯，不過今次真係太離譜😡，冇得唔講下，叫咗兩個飛天蝦堡，一打開真係嚇死人，個包燶到舊炭咁，完全唔食得，我知你哋會先煎下個包，不過你既然見到燶到咁仲比個客，真係接受唔到。個大薯條都幾失望下，啲醬少都算啦，薯條係好似炸完擺咗陣咁，又凍又腍，同之前食過嘅完全唔同。我明白可能依家多咗人食，店員人手唔夠係難保證到個個包都好靚，不過最起碼要對得住自己嘅良心，你冇理由將個煎到成舊炭咁嘅包照比人食。店家真係要檢討下