豚豚食堂

營業中

休息中

話說，已經蒞過好多次，試咗唔少食物，有啲幾好食，有啲麻麻地。今日又係試中一啲麻麻地嘅食物。限聚期間，六點收舖，好多人都係四點零五點湧出街食下午茶當 early dinner，今日我都係大概呢啲時間食飯。今日點咗兩個咖哩蛋飯，一個炸豬扒，一個漢堡扒。先講個漢堡扒，睇睇下面張相有咩感覺，大概都中了，唔好食，腍坺坺兼無牛肉味，得果兩小件，仲要特別貴。致於個豬扒就好少少，不過記憶中，之前食過係可以再好少少，今日真係唔知咩事，連沙律都可以唔記得落醬，個炸皮係免強可以接受嘅硬，肉質有少少靭。題外話，有人即使中間有板都都唔想同人搭枱，比張面壁卡位二人枱佢又唔高慶，真心的，噉樣抗疫期間唔好出街食飯吧啦。