南小館 (已結業)

今次又再同屋企人去南小館食晚飯，8點入到去都好少食客，坐低後隨即睇餐牌，今次照舊叫咗一碟四喜烤麩、一個花雕白雞、雞絲粉皮、上海炸豬排、鮮肉小籠包(5件)兩份，另外叫咗黑松露素鴨、4條風沙小黃魚、特式松子魚、上海粗炒及黑松露炒飯。上菜時間快，職員亦不停地幫我哋加蕎麥茶，食物水準味道依舊不過不失，不過雞絲粉皮嘅雞絲就比之前少咗，烤麩略鹹，炸豬排今次炸得靚過之前，又香又好食，仲有家人喜歡食風沙小黃魚，而我就覺得特式松子魚，啲汁甜甜哋，食落啲魚肉好滑，比較好味啲，至於黑松露炒飯睇落一般，但入口又唔錯喎，反而粗炒就真係一般。大約食到九點，以為就快收工，因為職員態度明顯鬆懈，完全無再理會食客，只掛住推埋企近門口位講笑，無再幫食客加茶，我哋亦食到9點半就埋單。總結：食物、價錢、環境都算不錯。