沙嗲王 (金馬倫道) (已結業)

今日一個人來到金馬倫道，好想回味學生年代嘅味道，沙嗲王實在令我掀起許多回憶。午飯時段要攞票等位，樓下已經有許多人正在等候安排入座，攞咗飛都等咗一陣，估唔到一人枱都要等。店內環境都幾闊落，坐滿食客，安排位置後點完嘢食，繼續要等。當然點了我最喜歡的白咖哩香茅豬扒飯(全場 no. 1)​​​​​​​，香茅汁少少辣好惹味，獨有袐製配方好吸引，一定要食，豬扒剛剛炸起，熱辣辣，非常肥美，冇得輸，十分可口，飯嘅份量已經唔少，食到最後仲有白咖哩汁剩，真係好想添飯。午餐包飲品，凍飲加$2，如果餐廳可以走飲管就更理想。隔離枱點了焗飯，賣相很吸引，下次可以嚟試下。飲品都有大量選擇，加少少錢已經可以有珍珠奶茶或特飲，如果天氣凍啲，叫熱鮮榨青檸柑梅蜜應該是不錯嘅選擇。這裏食滿廿蚊送兩蚊現金券，吸引大家下次再光臨。