影片
更多
2019-12-08
3968 瀏覽
聚會完，又喺到食晏嘅時候，大家都話想飲餐茶，坐低慢慢傾吓偈，記得以前呢個位有間「稻坊」，貪其平平哋，但嚟到，原來已經轉咗手，名為「老香港」，仲喺今日第一日嚟試業，所以，好多嘢都好生手。就連一啲電子付款系統都未準備好，齋收玩金。一上到樓梯，就喺成間餐廳嘅環境，咪睇佢好似好新簇，當然大部份嘅嘢都喺新裝修嘅，但左邊一排梳化椅啲線口披咗啲，就知沿用上手。其實個場幾大，但大概試業關係，都無開放晒，入啲嘅位置就以屏風隔開去。配合餐廳嘅名字，餐具都用上懷舊嘅公雞圖案，對我哋呢啲老餅，就梗喺有份集體回憶啦！此外，啲蒸籠都好新簇，更確家喺新開業。一大張點菜紙，就大致睇晒有啲咩選擇，如點心、小食、粥粉麵飯……等等，定價都唔平，另茶錢每位收$12，加一就唔在講啦。不過，試業期間，會打番個88折。此外，仲有多款精美小菜供選擇，不過，午市就應該會點嘅人唔多，大多數都喺幫襯晚市嘅人先會考慮嘅菜式。午市仲有一個懶人包，就喺「午市商務超值自選套餐」，有2人、4人、6人、8人、12人嘅選擇。但最後我哋無揀，因為想食多啲點心！淮山脆脆 $28其實，喺將啲淮山切成長條形再酥炸，外觀出嚟有啲似越式春卷，因為外皮喺網紋嘅脆漿。
一上到樓梯，就喺成間餐廳嘅環境，咪睇佢好似好新簇，當然大部份嘅嘢都喺新裝修嘅，但左邊一排梳化椅啲線口披咗啲，就知沿用上手。其實個場幾大，但大概試業關係，都無開放晒，入啲嘅位置就以屏風隔開去。
配合餐廳嘅名字，餐具都用上懷舊嘅公雞圖案，對我哋呢啲老餅，就梗喺有份集體回憶啦！此外，啲蒸籠都好新簇，更確家喺新開業。
一大張點菜紙，就大致睇晒有啲咩選擇，如點心、小食、粥粉麵飯……等等，定價都唔平，另茶錢每位收$12，加一就唔在講啦。不過，試業期間，會打番個88折。
此外，仲有多款精美小菜供選擇，不過，午市就應該會點嘅人唔多，大多數都喺幫襯晚市嘅人先會考慮嘅菜式。
午市仲有一個懶人包，就喺「午市商務超值自選套餐」，有2人、4人、6人、8人、12人嘅選擇。但最後我哋無揀，因為想食多啲點心！
淮山脆脆 $28其實，喺將啲淮山切成長條形再酥炸，外觀出嚟有啲似越式春卷，因為外皮喺網紋嘅脆漿。咬落自不然好脆口，亦唔太膩，而淮山則粉腍有種甘味。
醬皇蒸鳳爪 $28鳳爪喺點心嘅常客，都好難完全無人唔嗌鳳爪，因為既惹味，又有本土特色。個醬汁調製得幾香濃，底下仲墊咗少少豆卜，吸滿汁，好味。
那些年鮮蝦粉果 $38平常食粉果都喺啲沙葛粒、西芹粒之類，唔知喺咪加咗鮮蝦就成為「那些年」嘅產物？啲粉果外觀好靚吓，外皮做得晶瑩，又唔黏牙，因為裡面有唔少蝦，幾有食蝦餃嘅感覺。
80年代芝麻卷 $28「菲林筒」絕對喺我哋啲老餅嘅集體回憶，大家都一致要試番下，不過，講真，咬落嘅感覺喺有啲乾，有啲實，芝麻嘅濃香度亦一般般，總之唔會有單3嘩聲嘅感覺。
原隻鮮蝦腸 $32落鮮蝦嘅份量睇得出無手軟，而且啲蝦又確喺好鮮爽，兼且好彈牙。然而，睇層腸粉皮，就知拉得好厚身，而且，比一般見到嘅亦短身好多，好似縮咗少少水咁。
薑汁芥蘭 $68友人都喺健康一族，點都要嗌啲蔬菜類，不過，俾我見炒碟芥蘭要成68，就有啲唔捨得喇。碟芥蘭本身都炒得唔差，翠綠而爽口，微微薑汁香味，唔會嗆喉。
黑松露蛋白炒飯 $88幾款炒粉麵中，呢一道炒飯就最健康，雖然份量十足，但味道好一般，頗為淡口，又無乜黑松露嘅香氣，只可以講炒得爽身，唔油膩而已。
我哋真喺「好彩」，竟然喺試業第一日嘅3枱客嘅其中之一。查實，都見啲侍應好積極招呼，不過，明顯地，無論食物，抑或其他配套，都有好多改善嘅空間。而且，以「老香港」味道為賣點，似乎未夠突出。
張貼
