羅麥記 (V City) (已結業)

去完大陸剛回香港，突然好想食鐵板西冷牛扒，看到羅麥記食評有鐵板餐，就專登去食，點知，食到一肚氣! 塊扒一到，我拿刀一切已心知不妙。果支已經係扒刀嚟，但仍要好用力先切得開d肉。我叫7成熟，心諗唔通整左10成? 一咬，我從來冇食過咁un,趙都趙唔開，咁難吞既牛扒!之後叫佢再煮過第2舊，講返我係要7成唔係10成。前後等了35分鐘，再上碟，又係同第一舊一樣，難吞到銀胃。咩事呢間餐廳!! 大家樂都好過佢! 普通茶餐廳都好過佢! 佢呢舊係$98蚊既扒! 我其實有時翠華唔小心煮了9成熟，都會照食，人地起碼吞得入口,呢舊!我真係接受唔到！un到咁樣既牛扒香港第一次見!個waitress食完都明我講乜。個reception解釋是買錯牛部位可能。餐廳老闆要正視問題。仲有個餐湯龍蝦湯又杰又咸，我寧願佢比返羅宋忌廉我!好火，負評!以後唔會再幫襯呢間野!又貴又差!比openrice d 圖呃左!賣相ok食落....