蘭香茶餐廳 (已搬遷) 新店位置

我幾年前食過兩次，印象都唔差， 今日同老公諗住喺果一帶搵食， 諗起蘭香都懷舊風味， 奶茶又幾唔錯， 就入去食啦。同老公叫咗同一樣嘅早餐： 蛋治配火腿通粉 熱奶茶 同凍啡。火腿通： 一放低， 已見到啲通粉已經浸到脹晒🙄味道一般， 係火腿通粉味嘅，不過絕對唔係好食。蛋治： 塊麵包凍我冇問題， 但薄煎蛋捲到扮晒厚但只佔塊三文治嘅1/2 我唔明係咩玩法， 最接受唔到係隻蛋係凍， 起碼擺咗15分鐘以上嘅溫度， 少少暖都無。（我堂食早餐， 唔係外賣拎走噃， 無理由要食凍野㗎😩）味道嚟講都唔錯， 塊白方包包係成份早餐最值得讚嘅，佢用厚身啲嘅白方包，同埋都夠軟熟👍🏼凍啡： 都要踩， 真係唔好意思🙏🏾 嚟到個顏色係淺過一杯奶茶， 又好似擺咗一段時間咁稀呢呢， 或者係落唔夠咖啡粉？！ 🧐奶茶： 不過不失😁$35/一份 凍飲加$3價錢正常， 但質素係完全無， 恕我從此不會再幫襯😤😤我老公係咩都話「好食， 唔差吖」嘅人， 今日佢都食到嬲嬲豬🤭後悔無影相俾大家睇啡，我地亦唔敢反映， 始終驚被加料😩不過間店嘅兩位職員， 都好有禮貌，同親切，係成間蘭香最可取之處🥰