影片
更多
2020-05-13
347 瀏覽
好耐之前同朋友嚟過呢一間響 hibiki 食燒肉，質素都幾好，今次趁得閒，再同朋友嚟食。疫情之下，但都有唔少人嚟食呢一間燒肉放題， 同外面冷清嘅餐廳唔同，呢度都幾多人捧場。 雖然人多，都有見到店員加強清潔，亦都有配備消毒用品畀客人，衛生意識唔錯，食飯都安心啲。等咗一陣店員，亦都好快安排到位畀我哋。食放題當然第一時間就拎啲飲品，再慢慢食啦。 有唔少酒類可以選擇，例如柚子酒、清酒、紅酒等等， 無酒精類飲品就有汽水、烏龍茶 、荔枝茶 果汁等， 都算多款式。返埋位好快就有得食，先食咗個烤肉拼盤，先呢度嘅特色係食澳洲和牛， 有齊好多唔同嘅部位，例如肉眼、西冷、肋骨等等，亦都有日本嘅豚肉 、雞骨腸 、腩肉 ，啱曬啲食肉獸。和牛肥美又多肉汁，非常香口 ，尤其係牛肋骨 ，啖啖都係肉汁 ，牛胸腹就嫩滑 ，中間夾雜少少油花，唔會太肥，幾正。不過燒腩肉嘅時候要小心啲，因為比較肥美，好容易搶火，但真係好惹味 ，忍唔住要食多幾塊。 除此之外，亦都有送上一條一夜乾喜知次，呢啲貴價魚比較少係出面坊間普通嘅放題見到， 燒完外皮脆卜卜， 魚味好香濃。刺身拼盤夠曬仙氣，有甜蝦、油甘魚、 三文魚、海膽等，味道好新鮮好鮮甜，
疫情之下，但都有唔少人嚟食呢一間燒肉放題， 同外面冷清嘅餐廳唔同，呢度都幾多人捧場。 雖然人多，都有見到店員加強清潔，亦都有配備消毒用品畀客人，衛生意識唔錯，食飯都安心啲。
等咗一陣店員，亦都好快安排到位畀我哋。食放題當然第一時間就拎啲飲品，再慢慢食啦。 有唔少酒類可以選擇，例如柚子酒、清酒、紅酒等等， 無酒精類飲品就有汽水、烏龍茶 、荔枝茶 果汁等， 都算多款式。
返埋位好快就有得食，先食咗個烤肉拼盤，先呢度嘅特色係食澳洲和牛， 有齊好多唔同嘅部位，例如肉眼、西冷、肋骨等等，亦都有日本嘅豚肉 、雞骨腸 、腩肉 ，啱曬啲食肉獸。
和牛肥美又多肉汁，非常香口 ，尤其係牛肋骨 ，啖啖都係肉汁 ，牛胸腹就嫩滑 ，中間夾雜少少油花，唔會太肥，幾正。
不過燒腩肉嘅時候要小心啲，因為比較肥美，好容易搶火，但真係好惹味 ，忍唔住要食多幾塊。
除此之外，亦都有送上一條一夜乾喜知次，呢啲貴價魚比較少係出面坊間普通嘅放題見到， 燒完外皮脆卜卜， 魚味好香濃。
刺身拼盤夠曬仙氣，有甜蝦、油甘魚、 三文魚、海膽等，味道好新鮮好鮮甜，甜蝦大大隻，好好食。
另外仲有唔少嘅串燒可以食，例如雞軟骨串、 雞棒串， 配埋烤肉汁燒，真係好味到唔講得笑。
亦都叫咗啲小食，炸餃子、螺肉等等 ，味道都唔錯， 餃子熱辣辣、脆卜卜，絕對即叫即整。
最後試埋啲蛋糕同雪糕，尤其係要推薦下啲蛋糕同泡芙，細細粒可以試多幾款，而且入面嘅cream好滑好香，可以一戰。
今餐食到個個捧住肚走，希望個武漢肺炎疫情快啲過，大家可以放心再出街食飯啦。
張貼
