影片
更多
2017-04-28
406 瀏覽
拍拖又唔一定係要浪漫的燭光晚餐嘅，我同老公都好鍾意食中菜，常常都會去酒樓大排檔食飯的，今晚穩穩陣陣富臨食餐飯，但出品都幾唔錯架，值得寫篇食評讚讚佢！第一道出場就係燒乳鴿，看圖片好似個皮燒得幾dry ，不過我覺得可以燒得再乾身啲，食落更甘脆香口。蠔仔肉碎煮涼瓜，對於我來講係一個幾新穎的配搭，其實由於涼瓜呢個成份係老公指明要食話清熱氣，咁我食落我覺得啲蠔仔幾juicy幾可口，肉碎又幾香，但我本人唔鍾意食苦瓜，所以對苦瓜個方面冇意見。叫了金蒜銀絲蒸帶子，未上菜之前都十五十六 ，因為之前試過在另一間連鎖酒樓叫過同一款菜式，出來的成品令人十分之失望！粒帶子好霉，而且同個貝殼係分離的，而且勁多油，啲蒜蓉味有太重，粒帶子冇鮮味.... 算啦往事不必再提，總之今晚呢味蒸帶子見到實物之後令我十分之喜出望外，因為見到圖片同實物竟然係相符的！而且粒帶子又彈牙，又鮮美，廚房師傅仲好細心咁樣切開個帶子開邊蒸，令到帶子的肉可以比較平均咁樣受熱，上面亦都可以有比較大的面積讓蒜蓉提升了帶子的鮮，粉絲吸收了帶子的鮮味同蒜蓉的香，而且煮得好入味，單食呢個粉絲都已經覺得好滿足！行緊入去嗰陣見好多台客都有叫鐵板豬手，看來係
拍拖又唔一定係要浪漫的燭光晚餐嘅，我同老公都好鍾意食中菜，常常都會去酒樓大排檔食飯的，今晚穩穩陣陣富臨食餐飯，但出品都幾唔錯架，值得寫篇食評讚讚佢！
第一道出場就係燒乳鴿，看圖片好似個皮燒得幾dry ，不過我覺得可以燒得再乾身啲，食落更甘脆香口。
蠔仔肉碎煮涼瓜，對於我來講係一個幾新穎的配搭，其實由於涼瓜呢個成份係老公指明要食話清熱氣，咁我食落我覺得啲蠔仔幾juicy幾可口，肉碎又幾香，但我本人唔鍾意食苦瓜，所以對苦瓜個方面冇意見。
叫了金蒜銀絲蒸帶子，未上菜之前都十五十六 ，因為之前試過在另一間連鎖酒樓叫過同一款菜式，出來的成品令人十分之失望！粒帶子好霉，而且同個貝殼係分離的，而且勁多油，啲蒜蓉味有太重，粒帶子冇鮮味.... 算啦往事不必再提，總之今晚呢味蒸帶子見到實物之後令我十分之喜出望外，因為見到圖片同實物竟然係相符的！
而且粒帶子又彈牙，又鮮美，廚房師傅仲好細心咁樣切開個帶子開邊蒸，令到帶子的肉可以比較平均咁樣受熱，上面亦都可以有比較大的面積讓蒜蓉提升了帶子的鮮，粉絲吸收了帶子的鮮味同蒜蓉的香，而且煮得好入味，單食呢個粉絲都已經覺得好滿足！
行緊入去嗰陣見好多台客都有叫鐵板豬手，看來係招牌菜，於是我哋又叫個來試下囉。個豬手真係唔錯！煮得好淋，而且個黑椒汁真係好正，黑椒味夠濃郁好惹味，當黑椒汁淋上鐵板的一剎那，鐵板的熱力瞬間將黑椒汁的香氣向四面八方噴射，令人精神為之一振，除了可以有味覺上的享受，連嗅覺都被刺激到，食慾大增！每一啖豬手無論係豬肉或者係豬皮都煮得好入味，同埋個姐姐砌豬手既size適中，基本上無咩肉會痴著舊豬骨度，一個表面上冇乜殺傷力的師奶，原來刀工咁好！
見價錢都幾相宜，於是我地就叫埋一人一隻南非鮑魚！果皮蒸的味道，令到鮑魚的鮮味提升了一個層次，縱使鮑魚肉好厚身，但蒸得夠火候，令到鮑魚肉唔太淋得來夠彈牙夠口感！今晚呢餐飯食物質素都算幾高，其實心裏面係覺得幾安慰的，因為有時幫襯連鎖酒樓是心裏面會有少少忐忑怕水準有參差，但今晚富臨的表現很好，令人可以再次安心食用！
張貼
