煙燻玉子燒 (已結業)

呢個裸職嘅我實在敵不過現實嘅殘酷，終需回到打工打一族，係尋覓我將來工作大本營嘅時候，唔打唔撞俾我見到一間日式裝修嘅小店，裡面買嘅居然係我同羊仔都好鐘意食嘅玉子燒一間間細細嘅舖頭座落係荃灣鱟地坊街呢條窄窄地嘅小巷，舖頭前台有個小擺設櫃，我嘅眼球被一舊又舊嘅玉子燒吸引住。個陣仲係3點左右，舖頭半開左鐵閘，因為我超想食嘅關係，我粗粗走去問佢幾時開舖啦，佢居然話依家都開架啦，你想食乜呀？Oh！！實在太好彩啦！因為舖頭細，只設有外賣，咁我最後叫左2盒玉子燒，分別係原味玉子燒同櫻花蝦玉子燒，即叫即整，擺上手仲熱辣辣添職員好細心提醒我就算未即刻食都好，3分鐘後記得開左個殼通下風呀！好體貼呀！呢間嘅玉子燒真係好好味呀，食個下令我諗起第一次去東京食個個好出名嘅玉子燒（都係外賣架，不過個層大舊好多）煙燻過嘅玉子燒，就算唔係即刻食都仲熱架，所以蛋香隨住嘅水蒸氣散發出黎，食落口軟綿綿架呢個櫻花蝦玉子燒比起原味多左份咬口我下一次一定會專登去食，食埋其他味