滿江紅 (已結業)

周日晚上黎到尖咀嘅滿江紅食川菜。食店位於尖咀龍城對面，主打水煮魚同干鍋系到。可以被安排坐在對街嘅卡位。裝潢盡顯中國氣派，而且座位空間感都好闊落。 今晚就決定試下酸菜桂花魚！紅火龍果沙冰$52飲落清爽、清甜。解辣一流！青檸樹 $48沙冰未溶時偏酸，慢慢再飲味道就剛好。蒜泥白肉 $58肉質幾嫩滑，蒜泥磨得較幼滑，有丁點奇怪。整體感覺係ok Ge!酸菜桂花魚 $278魚肉最食得出魚味而不失嫩滑又彈性嘅口感。魚肉份量好多，雖然零辣度，但調味酸度適中，湯頭正！食完又唔會覺得口渴！爽！加$25 叫左四川苕粉 厚身超QQ!韮菜豬肉餃 $38共6隻。外皮唔算厚，爆餡多汁。唔沾醋食原味更佳。擔擔麵 $32比正常細碗d,超濃郁勁香花生麻香。麵質煙軔掛湯！十級推介！埋單兩人食到勁飽 $500幾蚊。