十三少 (已結業)

每隔一排我都會掛念十三少嘅精緻裝修同埋川式美食，今日係時候再嚟回味一下。椒麻皮蛋，椒麻味道突出，再加上我至愛嘅蒜頭、青椒同辣椒，為呢一餐揭開一個好好嘅序幕。十三少酸菜魚，酸菜魚嘅氣勢同水煮魚亦都不遑多讓，兩者都係大大嘅一盤，夠哂睇頭；魚肉比起上次嘅水煮魚更加滑溜，今次少咗寬粉，但係換嚟嘅係白蘿蔔同埋萵筍，索盡湯汁嘅味道。口水雞，口水雞貫徹十三少嘅正宗川味，味道依然係我嘅最愛。紅糖糍粑，今次呢一個甜品令我相當驚喜，糍粑炸得非常脆身，口感煙韌軟糯，點埋啲紅糖一齊食， 真係好食到不得之了。