Express Bar by Lassana (友邦九龍大廈) (已結業)

經過Express Bar by Lassana好多次，每次都被佢個榴槤芝士蛋糕吸引住，但屋企人唔食榴槤，所以我一直躊躇不定，冇買到。直到最近，加左人工，咁開心，我決定點都要獎勵下自己，終於買左我恨左好耐的榴槤芝士蛋糕啦🍰！$148，有攤開嘅手掌咁大，價錢合理。買左拎番屋企要盡快放入雪櫃，食之前要解凍。切開已經聞到淡淡榴槤香飄散，非常誘人！😍蛋糕質感堅挺，芝士味濃郁，榴槤味突出，絕對令一眾榴槤迷神魂顛倒！太美味了！表面仲有一層烤過的焦糖，又香又脆，回味無窮😋結果，我唔洗兩日就自己一個人ko左成個蛋糕🙈 真係好邪惡，但實在太好食了！下次再比藉口自己買多個先😆