銀津點心茶餐廳

營業中

休息中

琴晚同男朋友興起睇完戲之後，就想搵點心食。我地去咗旺角呢間點心餐廳，因為佢出名點心嘅。坐得低之後，我地就叫咗個二人餐，另外加咗蜂巢芋角，雪山叉燒包同埋棉花雞。佢個雪山叉燒包呢，係好明顯地係一早整好左，跟住攞返入去微波爐叮翻熱再上枱俾客人食。個芯好熱，但麵包皮係軟林林到你都唔會想食同唔會想像到係雪山叉燒包嚟。另外，我哋個二人餐揀左章魚肉餅蒸飯。個飯賣相好唔討喜，無菜伴碟之餘，肉餅又薄，飯又硬，都係有少少過分。最後二人餐有兩杯野飲，我地揀左凍奶茶同凍菜蜜。其實兩杯一樣都係甜到糖尿，淨係飲到糖水。其他果啲野食好普通，我都唔明點解全部都係正評嚟。食完令到我地都好失望，個飯，個包同埋野飲我地冇食/飲完就走左啦。下次應該都唔會再嚟。