影片
更多
2013-10-09
748 瀏覽
2月24日, 元宵佳節~ 同呀比去咗冇雷公咁遠嘅荃灣閒逛,仲揀咗呢間好似幾地道嘅台式小店開餐… 不過老實講, 行到門口見到內裡環境, 實在係有少少令人卻步嘅, 因為舖頭裝修同臺櫈都感覺簡陋, 好似d細細間早餐店咁… 不過一場嚟到, 就比次機會試下佢啦!::: 肉燥茄子撈上海麵 + 凍台式奶茶 ::: $37本身都幾鍾意食撈麵嘅呀菲, 對呢個撈上海麵竟然都提唔起興趣! 撇開其家庭式作業嘅賣相, 其實佢d肉燥同茄子都算係足料, 但見到個豉油色兼過多嘅撈汁已經覺得有d唔妥… 味道果然亦不出所料, 個撈麵汁好似甜豉油咁, 稀溜溜地浸住咗d麵. 肉燥味道甜甜, 不過肉碎太爛, 似pat炸醬多d, 茄子就係分開走油, 味道相對較淡… 不過最唔惦要算係d上海麵, 索哂d汁之後竟然有d發漲同糊糊地, 口感完全錯哂! 整體嚟講真係有d失望…凍台式奶茶味道較淡, 但都飲到少少奶味嘅, 普通啦~::: 巴東牛肉飯 + 凍青蘋果綠茶 ::: $37本以為巴東牛肉會好似印尼嗰d feel咁, 點知上枱嘅竟然好似普通嘅牛腩飯, 色水完全唔似, 冇濃濃杰杰嘅汁, 只係好稀嘅腩汁. 話係牛肉, 但係只見到啖啖都係牛腩
::: 肉燥茄子撈上海麵 + 凍台式奶茶 ::: $37
本身都幾鍾意食撈麵嘅呀菲, 對呢個撈上海麵竟然都提唔起興趣! 撇開其家庭式作業嘅賣相, 其實佢d肉燥同茄子都算係足料, 但見到個豉油色兼過多嘅撈汁已經覺得有d唔妥… 味道果然亦不出所料, 個撈麵汁好似甜豉油咁, 稀溜溜地浸住咗d麵. 肉燥味道甜甜, 不過肉碎太爛, 似pat炸醬多d, 茄子就係分開走油, 味道相對較淡… 不過最唔惦要算係d上海麵, 索哂d汁之後竟然有d發漲同糊糊地, 口感完全錯哂! 整體嚟講真係有d失望…
凍台式奶茶味道較淡, 但都飲到少少奶味嘅, 普通啦~
::: 巴東牛肉飯 + 凍青蘋果綠茶 ::: $37
本以為巴東牛肉會好似印尼嗰d feel咁, 點知上枱嘅竟然好似普通嘅牛腩飯, 色水完全唔似, 冇濃濃杰杰嘅汁, 只係好稀嘅腩汁. 話係牛肉, 但係只見到啖啖都係牛腩… 味道都有少少辣嘅, 但係就唔夠香, 撈飯食個感覺都只係麻麻, 牛腩質地都叫淋, 但係唔係心目中嘅牛肉, 成個飯都頗為失望…
青蘋果綠茶係普遍台式飲品, 好在夠凍, 起碼有個好處, 酸酸地幾開胃~
::: 脆香豆腐 ::: $10
脆香豆腐一碟八件都幾抵食! 豆腐炸得幾脆口, 點上甜甜嘅醬汁, 係唔錯嘅小食~
我地本身都幾鐘意食台灣野~ 加上openrice上頗多嘅推介好評, 唔多唔少對佢都有d期望… 不過一嚟到已經比環境嚇親, 而食物亦無想像中咁好. 附近仲有好多好野食, 下次再嚟都唔洗食佢!
張貼
