媽咪雞蛋仔

營業中

休息中

今日行過先知原來荃灣都開左間，一時心郁就點左個原味雞蛋仔食。好耐之前係旺角果間食，閒閒地都要等半個鐘，好慶幸今日等左十分鐘就等到，正！不過好可惜...我果陣食既係外脆內軟，香濃雞蛋味，完全唔會令人覺得膩之餘仲可以一粒接一粒咁食...但可惜今日食到既唔係咁。首先，雖然佢係即叫即整，但之前既外脆變成硬，口感唔太好，內在仲係軟既，但蛋漿好似唔係好夠咁，而且味道都無之前咁香濃，真係幾失望下。其實佢而家多左好多唔同既味，可能新口味係好味，但估唔到原味竟然退步，都幾可惜。可能下次我會去返旺角果間試返，睇下究竟係單一問題定係全線問題，但就荃灣呢間原味雞蛋仔，我會覺得唔值得食。