雲桂香米線專門店

營業中

休息中

今日，我同我朋友喺旺角行街，行到肚餓想搵嘢食。見到附近間雲貴香最近裝修收開笛，我哋決定試一試。上到一樓，人唔算多，唔需要等位。我點左涼拌米線，再加腩肉同埋三色丸，另外加杯豆漿同埋一碟通菜。食物水準下降，同其他分店比，呢間雲貴香食物質素明顯較差，配料份量不足，米線嘅面身唔夠香滑，唔算入味，真係有啲令我失望。碟通菜食落好生，加上如果唔係有醬料，應該好淡好難入口。喺環境方面，裝修完比之前有格調，不過人手唔足，全場幾十個客，得三個員工係樓面幫手，佢哋忙到不可開交，我哋落單都要等好耐，而等食物黎都等左勁耐，大概要15分鐘啲食物先嚟到！原本諗住好快食完就返屋企，點知食咗成九個字，希望餐廳改善服務質素。