海月．砂 (已結業)

已經幫襯過好好次，因為覺得佢啲魚生好新鮮、成份set lunch令到人好滿足!Lunch set 有好多選擇，熱食約HK$55-60/set，都幾大份，上次同事食咗個鯖魚定食，有半條鯖魚，熱辣辣，好香好好味。我通常都係食魚生定食，HK$90/set 包一份魚生及烏冬或蕎麥麵(冷或熱)隨餐附送麵豉湯同美味嘅雪糕。 自選三色魚生飯: 好似係最近先推出，我揀咗海膽、吞拿魚蓉及蝦蓉，份量好多，好好味!雜錦切粒魚生飯: 好多唔同種類嘅魚生，有成8至10款，大大粒，又新鮮，係我嘅首選! 熱湯烏冬: 可以揀魚湯或者豉油湯，之前食過魚湯覺得太濃，所以今次揀豉油，清清地，都OK 冷烏冬: 之前食過好彈牙，但係今次食好似冇咁好食，有啲硬，我諗次次唔同，都OK呢間餐廳好細，最好訂枱先嚟，門面唔係好光鮮，不過食物唔錯，值得一試!第一次惠顧後送會員咭，之後可以免加一。