甜姨姨 (耀華街)

營業中

休息中

路過據聞平時排隊排到打哂餅嘅甜姨姨，可能時間尚早唔太多人，而我亦都期望幫襯好耐，所以諗都唔洗諗就走左入去。店內外都滿佈Mirror @EdanLui，充滿打咭位，整個環境氣氛令人開心。醬爆。奶醬脆多 - 我其實係黑芝麻控，本來想㨂黑芝麻嘅，但既然講得No. 1推介，就試吓係咪真係咁正啦。面頭有三件爆脆多士粒，入面混雜左一堆奶醬花生汁同煉奶，味道十分濃郁，令人忍不住食完一啖又一啖。千萬要跟足指引去食冰，否則會雪山下塌架喇！影相都唔好影太耐，天氣凍都仲可以慢少少食，但天氣熱真係會好快溶哂！仲有幾款口味都想食，同埋另外一些甜品也很有興趣，下次都要再黎幫襯。