美新茶餐廳 (已結業)

師傅尋晚好夜先喺監房走, 夜媽媽都唔知食咩好, 淨係想搵間茶餐廳坐一陣, 填飽個肚咋, 忽然間師傅醒起呢間食店, 心諗就決定黎呢度, 試下炒野都好!事別七天, 再次光臨, 入到去都有幾枱客, 一坐底即刻睇下有咩食, 最後都係比佢個晚餐吸引住, 晚餐有餐湯同餐茶, 而師傅今次就要左個焗肉醬意粉, 皆因好耐都冇試過, 而餐飲就要左凍檸檬茶!等左一陣餐湯先到, 今次真係羅宋湯, 而唔係中湯喇, 師傅絕對相信因為時間比上一次為早, 所以尚未沽清; 即刻試下個湯先, 個湯酸酸地加上勁辣, 師傅是次連胡椒粉都冇落過, 真係非常好味, 呢個羅宋湯一定係師傅近期飲過最好嘅; 飲完個湯再等一陣焗肉醬意粉就到喇! 焗肉醬意粉份量勁大, 係即刻焗出黎, 熱辣辣非常吸引; 先試下個肉醬汁, 芝士味就冇咩, 不過d蕃茄汁就酸酸地, 好開胃加上肉醬勁多, 好好味, 而意粉都焗得好腍好滑, 唔會實的的, 味道唔錯, 正呀! 而凍檸茶今次又就好味, 檸檬夠多酸酸地而茶味亦可, 不錯!總括黎講食物質素令人滿意, 環境真係普通, 個湯兜都爛爛地, 而服務亦可, 而價錢就相當抵食, 一個晚餐都係三十八, 加兩雞凍飲, 埋單