BTB - Better Than Burger (富多來商場第二期) (已結業)

第一次見到有冬甩嘅漢堡店，而且仲有得加棉花糖，貪新鮮嘅我梗係狗衝去咗試啦😂佢嘅漢堡係用貝果(Bagel)嚟做，比一般嘅漢堡包更加有咬口，不過雖然佢有得加棉花糖，但係都要加幾蚊，所以我就普通咁樣叫咗一個牛肉漢堡($78)加配套餐(+$20)，味道相當唔錯佢嘅漢堡扒好有肉汁，成個漢堡加埋嚟就非常之好味，而且佢配嘅小食，除咗有薯條之外，仲可以選擇洋蔥圈或者薯寶，而飲品除咗唔健康嘅汽水之外，亦都有得飲烏龍茶所以意外咁，可以食得幾健康佢嘅全部加埋茄汁食落去都唔錯，因為好少餐廳可以食到薯寶，所以都幾驚喜總體而言真係值得一試嘅，下次有機會再試㗎，我會記得加棉花糖㗎啦😂😂😂