錦麗 (屯門市廣場) (已結業)

今日夜晚嚟到屯門市中心，牙痛唔想食飯，就嚟咗咁呢度食牛肉粉。今次我哋嗌咗個生牛肉牛肉粉，錦麗綜合粉，可樂同凍鹹檸檬青檸梳打，唔知今次係嘢飲黎先定粉嚟先啦。我留意到佢呢啲芽菜芫荽青檸係另上嘅，仲有得無限添加，鍾意食芽菜嘅我就梗係會問佢攞多杯啊彩啦。佢嘅湯底好多油，但係好啱我口味，又唔係食落去勁健康果啲，唔識形容，總之好正。而雜錦牛肉粉就有牛丸，生牛肉同熟牛肉，鍾意食肉嘅你千祈唔好錯過，分量大到你都可能食唔落。嘢飲方便，我嗌杯凍鹹檸檬青檸梳打真係好掂，以為嗰粒鹹檸檬好難篤，點知佢應該醃左好耐一篤即開，篤兩下青檸味散發唒出黎，令我樂而忘返。