Mamaday Studio (已結業)

今日經開佐敦見到Mamaday Studio的門面好別緻，望入去環境亦都好特別，就走入去high tea。今次order咗德國蜜桃花茶、73.5%朱古力、同埋洋蔥藍莓Bagel。德國蜜桃花茶第一啖飲落去已經有好清新嘅感覺，有好清嘅花香味而且底部有蜜桃醬，每一啖都好清涼。而朋友嗰杯73.5%朱古力，佢就話有濃濃嘅朱古力味，比平常普通朱古力特別好飲。洋蔥藍莓Bagel入面嘅醬好好味，烤得亦恰到好處，熱辣辣新鮮出爐真係好味。另外值得一提，呢度嘅環境好relax同埋有d好有型嘅擺設，及超多打卡位！