好雪片片 (已結業)

細個嘅時候住花墟，對呢度有種情意結，呢幾年呢度多咗好多cafe, 得閒嚟呢度對住啲花花草草，坐下飲杯茶，度過悠閒一日，好過周圍行街。今次第一次嚟呢間好雪片片，一入去覺得環境好舒服，好多飲茶嘅擺設，好似一個小小嘅茶藝博物館咁，而且佢唔會擺到啲檯好密，唔會有壓迫感，令人可以喺度放鬆一日！窗口位望出去係花墟呢度有好多款唔同嘅茶，老闆娘會介紹啲茶有咩特別！淨係普洱都有唔同年份，好高深！野食都算有水準，叫咗牛肝菌芝士寬麵同廣島蠔risotto，用料真材實料！