影片
更多
2021-06-30
991 瀏覽
今日返半晝, 放工後同老公到附近食晏, 本來唸住食好少少, 打📞左去PIRATA 同 La Moo Moo 問有無位, 同樣回覆已經滿座, 反而地舖兩間價錢比較親民的食店東方小祇園同潮隆泰就乏人問津, 所以香港人既消費能力真係幾高, 定係PIRATA 同 La Moo Moo 真係好高質素? 下次有機會早D訂位去試下。因為想坐好少少, 上OPENRICE再望下附近有咩餐廳, 搵到呢間來佬餐館, 懷舊港式西餐廳的格局, 睇相見地方好大, 有不少卡位提供, 雖然食評好壞參半, 但此時肚餓兼疲累既我都唔理得咁多, 打過去問左話有位就衝過去。唔怪之得店員話唔使留電位訂位, walk in 就可以, 一上到去, 全場近百個座位, 得一枱客坐緊。有點擔心他們能否持續經營下去, 更擔心是否因為佢地既食物質素所以客人少到咁。我地同樣點左週末semi-buffet。淨食前菜同甜品沒有加主菜。第一次食semi-buffet沒有加主菜, 食過咁多次半自助餐, 好多時餐廳提供的前菜都只有冷盤, 例如: 沙律, 凍肉, 煙三文魚, 凍海鮮🦞..., 所以喜歡熱食既我都一定會加個主菜暖暖胃。但來佬餐館的半自助餐卻
唔怪之得店員話唔使留電位訂位, walk in 就可以, 一上到去, 全場近百個座位, 得一枱客坐緊。有點擔心他們能否持續經營下去, 更擔心是否因為佢地既食物質素所以客人少到咁。
我地同樣點左週末semi-buffet。淨食前菜同甜品沒有加主菜。第一次食semi-buffet沒有加主菜, 食過咁多次半自助餐, 好多時餐廳提供的前菜都只有冷盤, 例如: 沙律, 凍肉, 煙三文魚, 凍海鮮🦞..., 所以喜歡熱食既我都一定會加個主菜暖暖胃。但來佬餐館的半自助餐卻有多款熱食可以選擇。
羅宋湯同黑松露野菌湯 - 飲到一碗暖笠笠又足料既熱湯非常滿足, 我覺得羅宋湯味道偏酸, 自己加左少少白砂糖落去中和, 好味喎, 更啱我口味。
德國芥末薯仔煙肉沙律 - 醬汁足夠, 調味也不錯, 但薯仔🥔煮得唔夠腍。
黑松露炒蛋多士 - 炒蛋好好味呀, 佢地既炒蛋唔止炒得嫩滑, 中間仲要炒到半生熟, 我最愛的吃法。但多士唔OK, 我地都覺得層牛油🧈有陣番梘味。
脆炸雞翼 - 熱辣辣咁送到我地面前, 薄薄一層脆漿包住肉嫩多汁既雞翼, 少少缺點係隻雞翼本身無事先醃過, 無味, 不過只要自行灑少少鹽上去就可以, 新鮮即制就係唔同, 少少調味已經足夠。
來佬汁雞翼
13 瀏覽
0 讚好
0 留言
來佬汁雞翼 - 最初以為係瑞士汁, 但又有幾分不同, 一種先甜再甘的味道, 比瑞士汁更有層次更濃郁。
芝士肉醬焗薯蓉 - 薯蓉細滑, 肉醬份量足, 芝士微微烤過更添香口惹味, 簡單滿足。
黑松露炸薯條
12 瀏覽
0 讚好
0 留言
黑松露炸薯條 - 又係好好味, 如果食得多炸薯條唔會喉嚨痛真係想自己食曬成份獨食。即叫即炸, 外脆內軟, 薯仔味濃, 廚師本身已經落左少少黑椒同鹽調味, 就算唔點個沙律醬都已經好滋味。
來佬梳乎厘
22 瀏覽
0 讚好
0 留言
來佬梳乎厘 - 我比100分, 來佬梳乎厘完全就是我心目中美味梳乎厘的模樣。我見呢個散叫要$98, 如果大胃王既話, 真係嗌返幾個黎食已經回本。梳乎厘焗得漂亮挺身, 蛋白味濃, 質感輕身鬆軟, 空氣感十足。最愛佢圍邊灑上左一層白砂糖, 令入口多左一種脆脆沙沙的口感, 令層次更豐富。
另外, 侍應服務也值得一讚, 雖然當日眼見在場有3個侍應, 兩男一女, 但負責招呼客人的只有一個中年男侍應, 因為來佬餐館既任食係用點餐形式叫野食, 所以我地都來回搵左佢好多次, 又問下佢問題咁, 但每一次佢既態度都同樣親切有禮, 做事不慌不忙, 係佢身上, 我睇到一種敬業樂業既精神。
張貼
