鹿鳴春飯店 (已結業)

每次回港總是心掛掛這裡的雞鮑翅，唔食唔安樂, 這間老店已經有很久遠的歷史，地址亦偏僻，如果要食環境和裝修，這裡就欠奉，但食物品質有一定的保證，伙計都是上了年紀的，與餐廳的年齡同步邁進。 砂鍋雞鮑翅，唔係用湯匙來飮，係用筷子夾起來食，入口還要咀嚼一會.十分彈牙和爽甜，羹湯烹調成奶白色，好像飲牛奶咁，又香濃又滑，重好糊口，骨膠原好重呀，價格重好便宜添，大大窩供十二人用，只是八百元，物超所值。京鴨亦是必食之選，鴨燒得剛好，皮甘香，用來包鴨的餅皮做到好軟綿綿，而鴨肉亦能保持濕潤. 腌製得好可口，有時什至會將它與鏞記的焼鵝來比較，覚得它有過之而冇不及添，我 Honey 係鴨痴，在這裡定能滿足他的要求。清炒河蝦 - 因是河蝦關係，體積比較細隻, 但十分鮮甜和爽口 干燒牛肉絲 - 做得都非常出色可口干貝賽磅蟹，亦是本人至愛，蛋白和魚肉比例剛好，炒功一流，好鮮甜，好滑流，合上眼食落去真是以為自己食緊蟹肉，家人全不愛吃西芹，所以從不在家裏有得食，但出街總愛點這道菜以慰單思之苦，太貪心叫了兩碟，結果有剩餘，浪費了食物和金錢，實在不該 其餘的多款小菜，麵條就一般水準