影片
更多
2017-01-26
1794 瀏覽
同事之前講請食餅, 買左都唔算新嘅crostini甜品。呢間西餅/甜品店開左唔算好耐, 1/2年多, 分店唔少。最近仲見佢有啲店加左座位可以俾人坐下, 仲有咖啡飲, 似cafe嘅, 裝修都唔錯呢。同事買左4件唔同味嘅蛋糕, 樣樣都的的骰骰, 頗精緻。Crostini嘅蛋糕賣相吸引, 而且款式都多, 可惜略嫌價錢偏貴, 每件大概$3x -$4x。如果價錢便宜一點就好啲。左上: 青蘋果白酒慕絲。賣相清新, 有1片4葉草做裝飾。味道有青蘋果嘅清甜, 可惜白酒味欠奉。左下: 雲尼拿杏仁布甸。上面係雲尼拿布甸, 可見到一粒粒雲尼拿籽, 用料足, 味道比較甜。下面係杏仁撻底, 配合上面嘅布甸一齊食好味啲。口感上比較豐富。右上: 應該係杏仁咖啡慕絲。同事話都唔錯, 咖啡味足, 但有啲膩。右下: 芒果伯爵茶慕絲(希望冇記錯)。另一同事話味道有少少唔夾, 但接受到。下次試試佢地嘅pastry or bread先!!
同事買左4件唔同味嘅蛋糕, 樣樣都的的骰骰, 頗精緻。Crostini嘅蛋糕賣相吸引, 而且款式都多, 可惜略嫌價錢偏貴, 每件大概$3x -$4x。如果價錢便宜一點就好啲。
左上: 青蘋果白酒慕絲。賣相清新, 有1片4葉草做裝飾。味道有青蘋果嘅清甜, 可惜白酒味欠奉。左下: 雲尼拿杏仁布甸。上面係雲尼拿布甸, 可見到一粒粒雲尼拿籽, 用料足, 味道比較甜。下面係杏仁撻底, 配合上面嘅布甸一齊食好味啲。口感上比較豐富。
右上: 應該係杏仁咖啡慕絲。同事話都唔錯, 咖啡味足, 但有啲膩。
右下: 芒果伯爵茶慕絲(希望冇記錯)。另一同事話味道有少少唔夾, 但接受到。
下次試試佢地嘅pastry or bread先!!
張貼
