泰屋

營業中

休息中

泰國嘢一直都係又好味又邪惡嘅食物，今次呢間餐廳位於旺角，地點非常方便。餐廳位於一座商業大廈裡面，差不多每一層都係來自世界各地嘅美食。餐廳裝修以綠色為主調，擺放著不同的植物，令人有身處泰國的感覺。打開餐牌，每樣都想食，令人有選擇困難症。今晚都唔想食得太熱氣，所以先叫了個馬拉盞通菜，比較健康。半打沙嗲係食泰國野係指定動作，豬雞各3串。最後叫多個泰式豬脾好送飯。泰式豬脾好大隻，炆得好冧，D豬皮好膠好黏，好多骨膠原。豬脾肉好冧鹵得好入味，鹵水汁又唔會太咸，味道啱啱好。美中不足的係雞蛋只係白烚蛋，唔係鹵水蛋。呢度既沙嗲真係無得輸，咁大條就不在話下，燒得唔會好燶，保持到肉裡面既肉汁，本身既醃料都好好味，就算唔點沙嗲汁已經好夠味。當然我呢D重口味既一定會點沙嗲汁，令到條串燒更好味。馬拉盞炒通菜炒得好翠綠，唔會過左火，馬拉盞好香好惹味，比起平時食既蝦醬炒通菜無咁咸。食下D菜先可以中和返食肉既肥膩，感覺比較健康。呢度既椰青價錢比一般貴，不過想飲都照嗌啦。雖然係貴D，但椰青既size都好大，椰青水好甜好清，係食泰國野必然之選。