影片
更多
2016-07-11
510 瀏覽
想食正宗嘅印度傳統菜唔一定要去重大厦，先至食到。 重慶大廈既印度菜的確係非常local，又抵食。但係嗰度環境同人流比較複雜，兩個女仔去始終覺得唔多自在。我哋一個印度朋友介紹咗我哋中環呢間傳統既印度餐廳，由大廚、經營到樓面全部都係印度人主理。佢哋同家人、親友都經常喺呢度聚餐，今晚我哋兩個女仔就book咗枱，黎呢度嘆一下佢地印度既傳統口味。入到餐廳，感覺煥然一新。餐廳就浪漫高雅路線。而且空氣瀰漫住引人入勝嘅咖喱香氣。真係未睇Menu已經好想即刻食返一道咖喱配薄餅。呢度環境好舒適每台印度客人都係靜靜咁對話，真係慶幸自己選擇左將呢間特別又有特色既餐廳，黎呢渡過我嘅星期五晚。打開菜單，上面有印度菜名同中文對照，再加上大量嘅圖片，所以唔驚唔識order。唯一唔識order 既係呢度嘅咖喱種類好多，名稱好多，每種咖喱裏面又由唔同嘅成份所配製， 對於我哋呢啲食咖喱嘅初哥，真係唔知點樣分判。最後決定先由最傳統正宗嘅口味開始。印度菜中最常食嘅除左咖啡，仲有烤雞串燒。所以今晚一次過從入門開始，先從印度烤雞半隻98元埋手。鐵板上嘅烤雞有五件，烤成美麗嘅橙紅色。大廚用蕃咖皮卷成花卉再配上爉燭，成件事presen
我哋一個印度朋友介紹咗我哋中環呢間傳統既印度餐廳，由大廚、經營到樓面全部都係印度人主理。佢哋同家人、親友都經常喺呢度聚餐，今晚我哋兩個女仔就book咗枱，黎呢度嘆一下佢地印度既傳統口味。
入到餐廳，感覺煥然一新。餐廳就浪漫高雅路線。而且空氣瀰漫住引人入勝嘅咖喱香氣。
真係未睇Menu已經好想即刻食返一道咖喱配薄餅。
呢度環境好舒適每台印度客人都係靜靜咁對話，真係慶幸自己選擇左將呢間特別又有特色既餐廳，黎呢渡過我嘅星期五晚。打開菜單，上面有印度菜名同中文對照，再加上大量嘅圖片，所以唔驚唔識order。
唯一唔識order 既係呢度嘅咖喱種類好多，名稱好多，每種咖喱裏面又由唔同嘅成份所配製， 對於我哋呢啲食咖喱嘅初哥，真係唔知點樣分判。最後決定先由最傳統正宗嘅口味開始。
印度菜中最常食嘅除左咖啡，仲有烤雞串燒。所以今晚一次過從入門開始，先從印度烤雞半隻98元埋手。
鐵板上嘅烤雞有五件，烤成美麗嘅橙紅色。大廚用蕃咖皮卷成花卉再配上爉燭，成件事present 得非常浪漫優雅，無論係兩個女仔一齊欣賞，定係一對情侶共餐，都相信會對佢哋嘅present 都感到非常驚喜，估唔到印度菜係做到甘靚、甘有魅力。
Lamb Rogan Josh 印度式燉咖哩羊肉 108食咗雞，咖喱方面我哋選擇咗食羊肉。
咖喱嘅選擇真係非常之多，所以我哋由嘅傳統紅咖喱開始。紅咖喱偏辣，辛口惹味。
羊肉煮得非常淋，就算平時怕羊腥味嘅朋友都可以放心嘗試，因為完全無腥味。Peshawari Naan 炭燒烤圓餅 48
主食既麵餅選擇都係非常多，最後經店員推薦，選擇左帶甜既烤圓餅。
烤圓餅上， 有可愛嘅啫喱。成份有杏仁、菠蘿同椰子等，麵底非常彈口柔軟，絶對係手拉功夫嘅功力。面粉香軟，就算單食都非常滋味。點咖喱都亦出奇地夾。Kingfisher 印度啤酒48
食印度咖喱又點會錯過佢哋嘅印度啤酒呢？印度啤酒比我地平時飲既生啤仲要淡啲。
唔知係咪因為印度菜式口味較濃，所以啤酒方面，佢哋嘅口味反而係較清淡順喉。不知不覺飲左三四支。食咖哩飲啤酒，真係無限舒暢。甜品方面，佢哋有印度雪糕同印度湯圓。
食到成口火辣辣，所以今次我選擇左用粒粒橙汁作為總結。
總括來講，今次呢個印度傳統料理嘅體驗非常開心，亦都充滿驚喜。下一次會再來嘗試唔同嘅咖喱。
張貼
