影片
更多
2017-10-28
1379 瀏覽
朋友係潮州冷一名，約食飯好多時都揀潮州菜館，今趟亦冇例外，約左細佬去佐熟吳松街食間新開嘅潮州菜館，菜館叫太陽軒。潮州菜館好多時裝修都較為簡陋，有啲老店仲可以用殘舊形容，但太陽軒嘅裝修就非常泗正光猛。點菜留翻俾同行潮州冷負責，我只係攞住本菜牌揭下揭下，發覺菜價都好合理，依家好多潮州酒家都將菜價定得好離地，太陽軒嘅菜價就定得相當親民貼地喇。最抵食嘅六人套餐只賣HK$680，連加一茶芥每位計唔使HK$150，以晚飯計可算平到笑。友人點左個二人套餐，有潮州翅、鹵水雙拼、鹹菜鱔片、炒麵線同杏仁茶。潮州翅潮州翅同廣東燴魚翅其實大同小異，分別就喺個湯度，廣東酒樓燴翅會用清湯，清湯以老雞、火腿及精肉慢火煲成，湯喺煲好之後，裏面嘅湯料仲係完好嘅，成隻雞會完好無缺，其他肉都係，而湯亦會好清，冇乜油，但潮州翅用嘅係濃湯，煮濃湯嘅湯料同清湯嘅其實一樣，不過會用猛火煮成，湯煲好成隻雞會散哂，湯會好俗好多油，濃湯本身會相對清湯香濃，用作燴翅我認為更惹味。今晚呢度做嘅翅真係好到加零一，湯甘香濃甜，魚翅份量多，估算最少有三兩濕翅，發得相當軟滑，可以用繞樑三日形容佢有幾味美。除翅之外，筆者最鍾意嘅就係下面呢道鹵水雙拼，
潮州菜館好多時裝修都較為簡陋，有啲老店仲可以用殘舊形容，但太陽軒嘅裝修就非常泗正光猛。
點菜留翻俾同行潮州冷負責，我只係攞住本菜牌揭下揭下，發覺菜價都好合理，依家好多潮州酒家都將菜價定得好離地，太陽軒嘅菜價就定得相當親民貼地喇。最抵食嘅六人套餐只賣HK$680，連加一茶芥每位計唔使HK$150，以晚飯計可算平到笑。
友人點左個二人套餐，有潮州翅、鹵水雙拼、鹹菜鱔片、炒麵線同杏仁茶。
潮州翅
潮州翅同廣東燴魚翅其實大同小異，分別就喺個湯度，廣東酒樓燴翅會用清湯，清湯以老雞、火腿及精肉慢火煲成，湯喺煲好之後，裏面嘅湯料仲係完好嘅，成隻雞會完好無缺，其他肉都係，而湯亦會好清，冇乜油，但潮州翅用嘅係濃湯，煮濃湯嘅湯料同清湯嘅其實一樣，不過會用猛火煮成，湯煲好成隻雞會散哂，湯會好俗好多油，濃湯本身會相對清湯香濃，用作燴翅我認為更惹味。
今晚呢度做嘅翅真係好到加零一，湯甘香濃甜，魚翅份量多，估算最少有三兩濕翅，發得相當軟滑，可以用繞樑三日形容佢有幾味美。
除翅之外，筆者最鍾意嘅就係下面呢道鹵水雙拼，雙拼可以任揀兩款鹵味，我地揀左墨魚同鵝片，個鹵水做到好香兼有不俗回甘味，鵝片肉好嫩滑，墨魚片又爽口，用靚料絶無懷疑。
炒麵線
用豬油炒成，香味撲鼻，麵炒得乾身彈牙。
鹹菜煮鱔片
鹹菜煮門鱔成日食倒，但用鹹菜煮嘅白鱔魚就第一次食，白鱔冇門鱔咁多骨，又滑身，鹹菜汁完全貫穿每片魚片。
煎蠔烙
正宗潮汕做法，並唔係炸得脆身的港式蠔餅，而係外面煎得香脆，中間係軟滑薯粉嘅傳統蠔烙，蠔仔味濃，水準唔錯。
蛋白杏仁茶
相當滑溜，杏香天然。
綜合整晚食物水準，我夠胆講比好多名牌潮州酒家好，佢地嘅濃湯潮州翅，絶對值得Encore 再Encore。
張貼
