甜入心 (已結業)

係時候啟動另一個胃啦！店內環境不錯，枱與枱之間濶落，坐得舒適。店舖亦很貼心，放上免費的自助英式果茶給客人品嚐。甜入心的甜品選擇非常多，有凍食的，有熱食的，有傳統的紅豆沙芝麻糊等，亦有新派的雪糕窩夫，心太軟等，還有碗仔翅及魚蛋等鹹點，啱晒不同人的口味。而我就叫了一個令人喜惡分明的甜品 – 榴槤飄香椰皇子。原個的椰皇配上新鮮的榴槤及以椰皇水整成的椰皇啫喱，令人賞心悅目。5月是食榴槤的合時季節，所以所配上的榴槤肉又香又甜又美味，而且分量亦多；而以椰皇水整成的椰皇啫喱，清潤得來又美味；然後叫了一個公主出巡，入面有意式奶凍、芒果肉、芒果雪糕及粟米片。意式奶凍滑溜，芒果肉新鮮，配上又圓又大又冰凍的芒果雪糕，都不錯。友人貪得意，見到有鹹點叫，就叫了一碗碗仔翅，碗仔翅上枱熱辣辣，很有媽媽的味道。