影片
更多
2015-02-27
30132 瀏覽
相真係影得唔多，去到先明白點解個個食評都只得一兩張相。因為晚餐時段真係好有情調，有點暗，影相有點難度，加上太餓，所以唔會有心機影相哈哈。所以今次係破例無食物照，只係有曉晴拎左既食物相~為左慶祝情人節同友人生日，要令大家都開心既只有自助餐既姐~因為基於友人淨係鍾意食熱盤、鍾意有情調兼浪漫既環境，鍾意上等既服務，鍾意睇夜景，鍾意慢拍子，諗過度過之後決定黎半島食自助餐。有諗過差不多價錢不如去洲際，但洲際係分時段，每個時段兩個半鐘，曉晴食過茶園既自助餐，兩個鐘係真係chur，因為曉晴食得好慢。而大部分自助餐既熱盤都好難食，或無乜特別，而我同佢都唔食海鮮生蠔個D既，所以最後為了靚同浪漫同埋可以食足4個鐘頭，曉晴偷偷決定Book半島。非常誇張的說，曉晴已經係提早一個月前Book，網上系統顯示FULL晒，唔信邪就打電話Book，想Book 14號已經係無晒位，心諗，究竟D人係提早幾多Book正日？我呢加使唔使Book定下年情人節？所以退而求其次，要了13號晚。客服態度極不客氣，話想要Window Sit，佢竟話：「唔保證有架喎小姐」，我知！我講定姐，你可以話「到時安排啊~睇情況而定啊~」都唔使咁惡呱
因為晚餐時段真係好有情調，有點暗，影相有點難度，加上太餓，所以唔會有心機影相哈哈。
所以今次係破例無食物照，只係有曉晴拎左既食物相~
為左慶祝情人節同友人生日，要令大家都開心既只有自助餐既姐~
因為基於友人淨係鍾意食熱盤、鍾意有情調兼浪漫既環境，鍾意上等既服務，鍾意睇夜景，鍾意慢拍子，
諗過度過之後決定黎半島食自助餐。有諗過差不多價錢不如去洲際，但洲際係分時段，每個時段兩個半鐘，曉晴食過茶園既自助餐，兩個鐘係真係chur，因為曉晴食得好慢。而大部分自助餐既熱盤都好難食，或無乜特別，而我同佢都唔食海鮮生蠔個D既，所以最後為了靚同浪漫同埋可以食足4個鐘頭，曉晴偷偷決定Book半島。
非常誇張的說，曉晴已經係提早一個月前Book，網上系統顯示FULL晒，唔信邪就打電話Book，想Book 14號已經係無晒位，心諗，究竟D人係提早幾多Book正日？我呢加使唔使Book定下年情人節？所以退而求其次，要了13號晚。客服態度極不客氣，話想要Window Sit，佢竟話：「唔保證有架喎小姐」，我知！我講定姐，你可以話「到時安排啊~睇情況而定啊~」都唔使咁惡呱，再講多句：「講明先，當晚無生蠔架喎」其實即使我係唔care生蠔，你咁講野都有問題啦，算，唔同你計，Book到就算數啦。我留生日牌啦，佢本來話會留一件Chocolate Mocuss Cake俾我，點知當日只係俾個牌我，明明個個都有小SildeCake，好過份，其實傳統酒店係咪應該服務好返少少會好D呢？
當日係我知道一定會遲到既情況下，曉晴打去客服delay booking，都好順利延到半個鐘，其實我就建議大家準時6點到既，因為D大陸人係around 7點到，D細路仔係周圍跑，野食又會整到亂晒，所以準時到又可以食盡佢，又可以hea，會好D。
都好安全咁六點半到，由專人帶位入座，原來Window Sit唔多，好可惜我地坐唔到可以望到維港既個邊，而係另一邊睇太空館既個邊，我諗都係book位時講到明會好d，好在友人都好開心有景睇，都抵返晒啦哈哈~入座後每檯有一個侍應服侍，當晚服侍我地既個位哥哥好好，幫我地影相，安排放袋個D啦，會靜雞雞同我商量上生日安排既野啦，非常細心。而且好識得影相，有求必應，Well，咁既服務先襯得返既咁既價錢架嘛~ 然後食前都會送一個小食，當晚係芝麻醬龍蝦脆筒，超級好食，龍蝦新鮮，配上芝麻醬，完全唔會漏，真係好好食，令我地都好期待個自助餐。
係既，個自助餐係比我想像中更加少野食既，但熟食係佔50%，甜品生果25%，冷盤壽司佔25%，咁都岩我當初揀既原則既，友人都係食得好開心。湯同熱盤全部真材實料，啖啖新鮮又夠熱，又煮得岩岩好。友人大讚咖喱牛極入味，手切牛火喉夠，西湯忌廉夠濃，所有熱盤都完全係無得輸既！可惜無羊食，又無煎鵝肝......
曉晴集中係甜品、麵包同冷盤。半島既牛油係極級好食，佢會預先放一塊係你檯，食完可以叫哥哥添既，曉晴就添左兩次啦！！！
麵包：得三款，食左六七個，五穀麥包既麥味係由口腔傳上鼻腔出，極級好食！香草包香而不膩，法包就外脆內軟啦，配上自家製忌廉牛油係無得輸，可惜麵包無得翻熱，唔係就正到喊！沙律：沙律菜兩款，新鮮香甜；番茄仔睇色水就知係本地貨，好食既，但選擇真係少。
壽司：火炙左口魚係唔可以錯過的，入口即融，非常好食！而卷物同其他壽司都好好食，可惜都係一早整定，而刺身都係切好晒放係度，有D唔合衛生，食左四片三文魚，又唔係其他食友講到咁難食，係無預期中咁鮮味姐，好食既，肥瘦平均，做到水準既！
冷盤：鵝肝麵包一定要食，香甘而不油膩，齒脥留香既感覺真係得半島好食，仲有鮑魚仔，唔食冷盤既友人都食左三個，好好食！
甜品：相中見既係咁多啦，曉晴習慣係每款都拎一件，唔理咩黎都拎返黎試晒先，可想而知甜品既數量係真心少，而且四個鐘係唔會換款，老實講，對於甜品控既曉晴黎講係真係唔夠，完全係少！！以甜品出名既半島竟然少甜品係真係失望！但係甜品又唔係想像咁好食，全部都偏甜，除左五款macaron水準一流不死甜又好食，其他都甜到不得了，特別係朱古力系列既甜品全部都好甜，朱古力成分好弱；Cheese Cake夠滑夠濃但甜膩左少少；焗肉桂芒果蛋糕係好好食，最好食係佢啦！Tart類都好食，我諗半島係焗點既甜品會好食，凍餅類既都係非常普通。雪糕全部自家制既，真材實料但太甜，當中最好食既都係椰子雪巴，啖啖純椰子既感覺非常好，但係要自己「畢」，但雪糕勺好黏，好污糟，後來食仲溝晒味，真係幾核突......Cupcake蛋糕底唔滑會卡喉，個Cream暖既無味既；一杯杯既慕絲都係甜既，芒果味唔出，奶味唔夠濃，每款試過之後都無再添過啦。老實講，如果要食甜品既話，去Mr.Steak個自助餐啦，每半個鐘轉一次款，仲要款款都咁好食，都只係二百蚊個人，半島真係要檢討下啦~但係~平均黎講係好食既，BUT I Expected MORE MORE MORE AND MOREEEE！
送既芒果Soffle甜到嘔嘔嘔嘔嘔嘔，食左兩啖就放棄左，對唔住~成餐飯選擇唔多，但質素係一流既，本就已經一早知回唔到，但我同友人都食到飽到嘔，已經夠啦~食到咁高質素既食物，我覺得已經回晒本！最緊要係食果個開心，個個都開心嘛~對於第一次入半島既曉晴黎講真係唔錯架~友人話如果有錢，下年再黎過~因為個feel真係好浪漫，而且可以由6點坐到11點既感覺真係一級的好~服務又無得彈，抵晒啦~~~~~~~~ 笑是俾麵包、服務同環境的~~~~
張貼
