影片
更多
2012-08-22
713 瀏覽
有個朋友生日，要我出主意搵地方食餐晚飯一齊慶祝，我就想起大埔小白鷺餐廳，一年前試過印象唔錯，就揀番呢度再來試試，心中都驚水準有無keep到，如果山長水遠來到唔好食，實比朋友埋怨就無晒face。訂位時仲order一個生日蛋糕比個驚喜壽星女，餐廳職員話原來可以免費入會做member，只要會員係當月生日，四個人便可以送一個一磅生日蛋糕，今次就用唔到優惠咯！ 六點幾來到，一行四人趁未天黑周圍行下影下相，望住個湖，仲有間小白屋，幾浪漫！壽星女由於無來過，周圍猛咁影相，仲話個環境幾靚，下次要搵日白天再來喎！跟住入番餐廳揀張近窗口位的四人枱，對住湖景，環境清靜！呢度平日唔多人，我地傾下偈講下笑，夠晒靜局！肚餓咯，我地決定點4個餐share來食：「扖黑鱈魚配紅花忌廉汁」($198)、「扖新西蘭羊鞍配薄荷紅酒汁」($218)、「鮮蝦帶子意大利飯」($128)及「西班牙火腿鮮雜菌意大利蛋麵」($128)，最後兩樣加多$30享用埋餐湯同餐茶。1.「扖黑鱈魚配紅花忌廉汁」：賣相好正，塊鱈魚扖唔係好大，每人一小塊就無咯，但真係又滑又香，可能我特別中意食鱈魚，個忌廉汁調較得恰到好處，
有個朋友生日，要我出主意搵地方食餐晚飯一齊慶祝，我就想起大埔小白鷺餐廳，一年前試過印象唔錯，就揀番呢度再來試試，心中都驚水準有無keep到，如果山長水遠來到唔好食，實比朋友埋怨就無晒face。訂位時仲order一個生日蛋糕比個驚喜壽星女，餐廳職員話原來可以免費入會做member，只要會員係當月生日，四個人便可以送一個一磅生日蛋糕，今次就用唔到優惠咯！
六點幾來到，一行四人趁未天黑周圍行下影下相，望住個湖，仲有間小白屋，幾浪漫！壽星女由於無來過，周圍猛咁影相，仲話個環境幾靚，下次要搵日白天再來喎！跟住入番餐廳揀張近窗口位的四人枱，對住湖景，環境清靜！呢度平日唔多人，我地傾下偈講下笑，夠晒靜局！肚餓咯，我地決定點4個餐share來食：「扖黑鱈魚配紅花忌廉汁」($198)、「扖新西蘭羊鞍配薄荷紅酒汁」($218)、「鮮蝦帶子意大利飯」($128)及「西班牙火腿鮮雜菌意大利蛋麵」($128)，最後兩樣加多$30享用埋餐湯同餐茶。
1.「扖黑鱈魚配紅花忌廉汁」：賣相好正，塊鱈魚扖唔係好大，每人一小塊就無咯，但真係又滑又香，可能我特別中意食鱈魚，個忌廉汁調較得恰到好處，like！
2.「扖新西蘭羊鞍配薄荷紅酒汁」：我唔中意食羊所以無試到，朋友話唔太騷，味道一般！
3.「鮮蝦帶子意大利飯」：我唔中意食飯，更怕濕飯，係咁意試左一口，又得喎，無想像中咁硬，朋友就吃個清光，仲話D蝦帶子好新鮮添！
4. 「西班牙火腿鮮雜菌意大利蛋麵」：呢個我最like，簡單幾片薄火腿咸鮮味濃，雜菌汁拌勻蛋麵食，彈牙入味，我呢樣食得最多！
最後當主角----生日蛋糕推出時，我都有D意外，有成磅重的鮮果忌廉蛋糕，鋪滿晒鮮果同朱古力片綑邊，好靚仲幾好味添，大家影完相后又好快掃晒！壽星女梗係開心啦，仲讚我好介紹，令佢渡過一個難忘的生日，大家都好滿意餐廳服務及食物質素！咁我當然要立刻入會，到我生日當月又來享用優惠，食免費生日蛋糕啦！經理溫馨提示我話送的生日蛋糕唔係今晚訂造同一款，比錢訂製同優惠送的蛋糕會有分別，果然夠細心！
埋單：四個套餐連生日蛋糕只係$1,025，壽星女唔洗比，三個人每人$340，超抵，最緊要係我無介紹錯，呢間餐廳保持水準，令壽星女渡過難忘又Happy的生日！
張貼
